Samavedabrahmananyashtau 66
Sāmavedabrāhmaṇānyaṣṭau 66
- Language
- Sanskrit
Contents
- 66.10 — 1 part
66.1
daśamaḥ khaṇḍaḥ
gāyatrīṣu brahmavarccasakāmāyokthāni praṇayeyurgāyatryāṃ
brahmasāmā'nuṣṭubhyacchāvākasāma saiṣā gāyatrī sampadyate
66.2
tejo
brahmavarccasaṃ gāyatrī teja eva brahmavarccasamavarundhe
66.3
gāyatrīṣu
paśukāmāyokthāni praṇayeyuruṣṇihi brahmasāmā'nuṣṭubhyacchāvākasāma
saiṣoṣṇiksampadyate
66.4
paśavo vā uṣṇik paśūnevāvarundhe
66.5
gāyatrīṣu puruṣakāmāyokthāni praṇayeyuḥ kakubhi
brahmasāmā'nuṣṭubhyacchāvākasāma saiṣā kakup sampadyate
66.6
puruṣo
vai kakup puruṣānevāvarundhe
66.7
virāṭsvannādyakāmāyokthāni
praṇayeyuruṣṇihi brahmasāmā'nuṣṭubhyacchāvākasāma saiṣā virāṭ
sampadyate
66.8
annaṃ virāḍannādyamevā'varundhe
66.9
akṣarapaṅktiṣu
jyaiṣṭhyakāmāyokthāni praṇayeyuruṣṇihi brahmasāmā'nuṣṭubhyacchāvākasāma
saiṣānuṣṭup sampadyate
66.10
jyaiṣṭhyaṃ vā anuṣṭub jyaiṣṭhyamevā'varundhe
66.10.p1
iti aṣṭamo'dhyāyaḥ