Samavedabrahmananyashtau 67
Sāmavedabrāhmaṇānyaṣṭau 67
- Language
- Sanskrit
67.1
navamo'dhyāyaḥ
prathamaḥ khaṇḍaḥ
devā vā ukthānyabhijitya rātrinnāśaknuvannabhijetunte'surāntrātrintamaḥpraviṣṭānnānuvyapaśyam̐staetamanuṣṭupśirasaṃ pragāthamapaśyan
virājaṃ jyotistān virājā jyotiṣā'nupaśyanto'nuṣṭubhāvajreṇa
rātrernirāghnan
67.2
yadeṣo'nuṣṭupśirāḥ pragātho bhavati virājaiva
jyotiṣā'nupaśyannuṣṭubhā vajreṇa rātrerbhrātṛvyaṃ nirhanti
67.3
tān
samantaṃ paryyāyaṃ prāṇudanta yat paryyāyaṃ prāṇudanta tatparyyāyāṇāṃ
paryyāyatvam
67.4
prathamāni padāni punarādīni bhavanti prathamasya
paryyāyasya
67.5
prathamairhi padaiḥ punarādāya prathamarātrātprāṇudanta
67.6
pāntamāvo andhasa iti prastauti
67.7
aharvai pāntamandhorātrirahnaiva
tadrātrimārabhante
67.8
tāsu vaitahavyam
67.9
vītahavyaḥ śrāyaso
jyogniruddha eva tatsāmāpaśyatso'vagacchatpratyatiṣṭhadavagacchati
pratitiṣṭhatyetena tuṣṭuvānaḥ
67.10
tamiva vā ete praviśanti ye
rātrimupayanti yadoko nidhanam̐ rātrermukhe bhavati prajñātyai
67.11
yadā
vai puruṣaḥ svamoka āgacchati sarvaṃ tarhi prajānāti sarvamasmai divā
bhavati
67.12
te madhyamaṃ paryyāyamaśrayanta teṣāmaurdhvasadmanena
vācamavṛñjata
67.13
vācaṃ bhrātṛvyasya vṛṅkte ya evaṃ veda
67.14
triṇidhanaṃ bhavati
67.15
yathā vā ahno mādhyandinam̐ savanaṃ
triṇidhanāyatanamevameṣa rātrermadhyamaḥ paryyāyastriṇidhanāyatanaḥ
salomatvāya
67.16
madhyamāni padoni punarādīni bhavanti
madhyamasya paryyāyasya madhyamairhi padaiḥ punarādāyammadhyamarātrātprāṇurudanta
67.17
ta uttamaṃ paryāyamaśrayanta teṣāṃ ghṛtaścunnidhanena paśūnavṛñjata
paśavo vai ghṛtaścyutaḥ
67.18
paśūn bhrātṛvyasya vṛṅkte ya evaṃ veda
67.19
uttamāni padāni punarādīni bhavantyuttamasya paryāyasyottamairhi padaiḥ punarādāyamuttamarātrātprāṇudanta
67.20
tān sandhinā'bhipalāyanta
67.21
tānāśvinenā'saṃhāyyamagamayan
67.22
asaṃhāyyaṃ bhrātṛvyaṃ gamayati ya evaṃ veda
67.23
eṣā vā agniṣṭomasya sammāyadrātriḥ
67.24
dvādaśastotrāṇyagniṣṭomo
dvādaśastotrāṇi rātriḥ
67.25
eṣā vā ukthasya sammāyadrātriḥ
67.26
trīṇyukthāni tridevatyaḥ sandhiḥ
67.27
yathā vā ahna ukthānyevameṣarātreḥ sandhirnānārūpāṇyahna ukthāni nānārūpā
ete tṛcā bhavanti
67.28
rathantaraṃ pratiṣṭhākāmāya sandhiṃ kuryāt
67.29
iyaṃ vai rathantaramasyāmeva pratitiṣṭhati
67.30
bṛhat svargakāmāya sandhiṃ kuryāt
67.31
svargoloko bṛhatsvarga
eva loke pratitiṣṭhati
67.32
vāravantīyaṃ vā vāmadevyaṃ vā
śruddhyaṃ vai teṣāmekaṃ paśukāmāya sandhiṃ kuryāt
67.33
paśavo
vā etāni sāmāni paśuṣveva pratitiṣṭhati
67.34
āśvinam̐
hotānuśam̐sati
67.35
prajāpatirvā etatsahasramasṛjata taddevebhyaḥ
prāyacchattasminna samarādhayam̐ste sūryaṃkāṣṭhāṅkṛtvā''jimadhāvan
67.36
teṣāmaśvinau prathamāvadhāvatāṃ tāvanvavadan sahano'stvati tāvabrūtāṃ kiṃ tataḥ syāditi yatkāmayethe ityabruvam̐stāvabrūtāmasmadevatyamidamukthamucyātā iti tasmādāśvinamucyate
67.37
sarvāḥ khalu devatāḥ śasyante
67.38
kṣipram̐śasyamājimivahvete dhāvantyāsūryasyodetoḥ śam̐setsūryam̐hi
kāṣṭhāmakurvata
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit