Samavedabrahmananyashtau 68
Sāmavedabrāhmaṇānyaṣṭau 68
- Language
- Sanskrit
68.1
dvitīyaḥ khaṇḍaḥ
pāntamā vo andhasa iti vaitahavyamanyakṣetraṃ vā ete prayanti ye
rātrimupayanti yadokonidhanaṃrātrermukha bhavatyokaso'pracyāvāya
68.2
pra va indrāya mādanamiti gaurīvitam
68.3
brahma yadevā vyakurvata
tato yadatyaricyata tadgaurīvitamabhavat
68.4
atiriktaṃ
gaurīvitamatiriktametat stotraṃ yadrātriratirikta evātiriktaṃ
dadhāti
68.5
vayamu tvā tadidarthā iti kāṇvam
68.6
etena vai
kaṇva indrasya sāṃvidyamagacchadindrasyaivaitena sāṃvidyaṃ gacchati
68.7
indrāya madgane sutamiti śrautakakṣaṃ kṣatrasāma prakṣatramevaitena bhavati
68.8
ayaṃ ta indra soma iti daivodāsam
68.9
agniṣṭomena vai devā
imaṃ lokamabhyajayannantarikṣamukthenā'tirātreṇāmuṃ ta imaṃ lokaṃ
punarabhyakāmayanta ta ihetyasmim̐lloke pratyatiṣṭhan yadetatsāma bhavati
pratiṣṭhityai
68.10
ūrdhvasadmanamapi sarvavīrīṣu prohanti
68.11
asurā
vā eṣu lokeṣvāsaṃstāndevā ūrdhvasadmanenaibhyo lokebhyaḥ
prāṇudanta
68.12
tadya evaṃ vedaibhyo lokebhyo bhrātṛvyaṃ praṇudya sva
āyatane satramāste
68.13
ā tū na indra kṣumantamityākūpāram
68.14
akūpārā''ṅgirasyāsīttasyā yathā
godhāyāstvagevaṃ tvagāsīttāmetena triḥsāmnendraḥ pūtvā sūryatvacasamakarottadvāva sā tarhyakāmayata yatkāmā etena sāmnā stuvate sa
ebhyaḥ kāmaḥ samṛdhyate
68.15
abhi tvā vṛṣabhā sutaṃ ityārṣabhaṃ
kṣatrasāma kṣatramevaitena bhavati
68.16
idaṃ vaso sutamandha iti gārametena
vai gara indramaprīṇātprītaḥ evā'syaitenendro bhavati
68.17
idaścanvojaseti mādhucchandasaṃ prajāpatervā eṣā tanūrayātayāmnī
prayujyate
68.18
ā tvetā niṣīdateti daivātitham
68.19
devātithiḥ
saputro'śanāyaśśarannaraṇya urdhvarūṇyavindattānyetena sāmnopāsīdattā
asmai gāvaḥ pṛśnayo bhūtvodatiṣṭhan yadetatsāma bhavati paśūnāṃ
puṣṭyai
68.20
yoge yoge tavastaramiti saumedhaśrātriṣāma rātrereva
samṛddhyai
68.21
indra suteṣu someṣviti kautsam
68.22
kutsaśca
luśaścendraṃ vyahvayetāśsa indraḥ kutsamupāvarttata taṃśatena
vādrdhībhirāṇḍayorabadhnāttaṃ luśo'bhyavadat pramucyasva pari
kutsādihāgahi kimu tvāvānāṇḍayorbaddha āsātā iti tāḥ saṃcchidya
prādravatsa etat kutsaḥ sāmā'paśyattenainamanvavadatsa upāvarttata
68.23
yadetatsāma bhavati sendratvāya
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit