Samavedabrahmananyashtau 69

Sāmavedabrāhmaṇānyaṣṭau 69

tṛtīyaḥ khaṇḍaḥ
yadi satrāya dīkṣerannatha sāmyuttiṣṭhetsomamapabhajya
viśvajitā'tirātreṇa yajeta sarvavedasena sarvasmā eva dīkṣate
sarvamāpnoti

yā iddakṣiṇā dadāti tābhirati prayuṅkte

yadi paryyāyairastutamabhivyucchetpañcadaśabhirhotre stuyuḥ pañcabhiḥ
pañcabhiritarebhyaḥ

agne vivasvaduṣasa iti sandhinā stuyuḥ
prāṇā vai trivṛt stomānāṃ pratiṣṭhā rathantaraśsāmnāṃ
prāṇāścaivopayanti

ṣaṣṭhiśca trīṇi ca śatāni hotā
śaṃsati

tāvatyaḥ saṃvatsarasya rātrayaḥ saṃvatsarasammitābhireva
tadṛgbhirāśvinamāpnoti

yadarvāk stuvanti tadastutaṃ yatsamprati
stuvanti tat stutaṃ yadatiṣṭhuvanti tatsuṣṭhutam

yadyarvāk
stuyuryāvatībhirna stuyustāvatībhirvā'tiṣṭhuyurbhūyo'kṣarābhirvā

yadyatiṣṭhuyuryāvatībhiratiṣṭhuyustāvatībhirvā na stuyuḥ
kanīyo'kṣarābhirvā

yadyarvāk stuyustrīḍamagniṣṭomasāma kāryyaṃ nidhanamekeḍā ye dve
tābhyāmeva tatsamaṃ kriyate

yadyatiṣṭuyuḥ svāramagniṣṭomasāma
kāryamūnamiva vā etatsāmoyat svarastenaiva tatsamaṃ kriyate

Linked texts (8)