Samavedabrahmananyashtau 71
Sāmavedabrāhmaṇānyaṣṭau 71
- Language
- Sanskrit
71.1
pañcamaḥ khaṇḍaḥ
yadi somamakrītamapahareyuranyaḥ kretavyaḥ
71.2
yadi krītaṃ
yo'nyo'bhyāśaṃ syāt sa āhatyaḥ somavikrayiṇe tu
kiñciddadyāt
71.3
yadi somaṃ na vindeyuḥ pūtīkānabhiṣuṇuyuryadi
na pūtīkānarjjunāni
71.4
gāyatrī somamāharattasyā anu visṛjya
somarakṣiḥ parṇamacchinattasya yoṃ'śuḥ parāpatatsa pūtīko'bhavattasmin
devā ūtimavīndannūtīko vā eṣa yatpūtīkānabhiṣuṇvantyūtimevāsmai
vindanti
71.5
pratidhuk ca prātaḥpūtīkāśca śṛtaśca madhyandine pūtīkāśca
dadhi cā'parāhne pūtīkāśca
71.6
somapītho vā etasmādapakrāmatītyāhuryasya somamapaharantīti sa oṣadhīśca paśūṃśca praviśati
tamoṣadhibhyaśca paśubhyaścā'varundhe
71.7
indro vṛtramahaṃstasya yonastaḥ
somaḥ samadhāvattāni babhrutūlānyarjjunāni yovapāyā utkhinnāyāstāni
lohitatūlāni yāni babhrutūlānyarjjunāni tānyabhiṣuṇuyādetadvai brahmaṇo
rūpaṃ sākṣādeva somamabhiṣuṇoti
71.8
śrāyantīyaṃ brahmasāma kāryyaṃ
sadevainaṃ karoti
71.9
yajñāyajñīyamanuṣṭubhi prohedvācaivainaṃ samarddhayati
vāravantīyamagniṣṭomasāma kāryyamindriyasya vīryyasya parigṛhītyai
71.10
pañca dakṣiṇādeyāḥ
71.11
pāṅkto yajñoyāvānyajñastamevā''rabhate
71.12
avabhṛthādudetya punardīkṣeta
71.13
tatra
tadyadyadvāsya syāt
Linked texts (4)
- Ārṣeyakalpa — Maśaka Gārgya, Sanskrit
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit