Samavedabrahmananyashtau 72
Sāmavedabrāhmaṇānyaṣṭau 72
- Language
- Sanskrit
72.1
ṣaṣṭhaḥ khaṇḍaḥ
yadi kalaśo dīryeta vaṣaṭkāriṇidhanaṃ brahmasāma kuryyāt
72.2
avaṣaṭkṛto vā etasya somaḥ parā sicyate yasya kalaśo dīryate yadvaṣaṭkāriṇidhanaṃ brahmasāma bhavati vaṣaṭkṛta evāsya somo bhavati
72.3
vidhuṃ dadrāṇaḥsamane bahūnāmityetāsu kāryyam
72.4
eṣa hi bahūnāḥsamane dīryate yatkalaśaḥ
72.5
tadāhurna vā ārtyāsrttiranūdyā'rtyā vā eṣa ārttimanuvadati yaḥ kalaśo dīrṇe dadrāṇavatīṣu karotīti
72.6
śrāyantīyameva kāryyam
72.7
prajāpatiḥ prajā asṛjata sa dugdhoriricāno'manyata sa etacchāyantīyam—
paśyattenātmānaṃ samaśrīṇātprajayā paśubhirindriyeṇa
72.8
dugdha iva vā eṣa riricāno yasya kalaśo dīryate yacchāyantīyaṃ brahmasāma bhavati punarevā'tmānaḥsaśśrīṇāti prajayā paśubhirindriyeṇa
72.9
yadi śrāyantīyaṃ brahmasāma syādvaiṣṇāvīṣvanuṣṭupsuvaṣaṭkāriṇidhanaṃ kuryyāt
72.10
yadvai yajñasya sravati vācaṃ pratisravati vāganuṣṭup yajño viṣṇurvācaiva yajñasya chidramapi dadhāti
72.11
yadvai yajñasya sravatyantataḥ sravati vāravantīyamagniṣṭomasāma kāryyaṃ yajñasyaiva chidraṃ vārayate
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit