Samavedabrahmananyashtau 73
Sāmavedabrāhmaṇānyaṣṭau 73
- Language
- Sanskrit
73.1
saptama: khaṇḍaḥ
yadi prātaḥsavanātsomo'tiricyetāsti somo ayaṃ suta iti marutvatīṣu gāyatreṇa stuyuḥ
73.2
mādhyandinaṃ vā eṣa savanaṃ nikāmayamāno'bhyatiricyate yaḥ prātaḥsavanādatiricyate tasmānmarutvatīṣu stuvanti marutvaddhi mādhyandinaḥsavanaṃ tasmādu gāyatrīṣu gāyatraṃ hi prātaḥsavanam
73.3
yasmāt stomādatiricyeta sa eva stomaḥ kāryyaḥ
salomatvāya
73.4
aindrāvaiṣṇavaṃ hotā'nuśam̐sati
73.5
vīryaṃ vā
indro yajño viṣṇurvīrya eva yajñe pratitiṣṭhati
73.6
yadi
mādhyandinātsavanādatiricyeta baṇmahām̐ asi sūryetyādityavatīṣu
gaurīvitena stuyuḥ
73.7
tṛtīyasavanaṃ vā eṣa nikāmayamāno'bhyatiricyate yo mādhyandinātsavanādatiricyate tasmādādityavatīṣu
stuvantyādityaṃ hi tṛtīyasavanaṃ tasmādu bṛhatīṣu bārhataṃ hi
mādhyandinam̐ savanam
73.8
yasmāt stomādatiricyeta sa eva stomaḥ
kāryaḥ salomatvāyaindrāvaiṣṇavaṃ hotā'nuśam̐sati vīryaṃ vā indro yajño
viṣṇurvīrya eva yajñe pratitiṣṭhati
73.9
yadi tṛtīya savanādatiricyeta
viṣṇoḥ śipiviṣṭavatīṣu gaurīvitena stūyuḥ
73.10
yajño vai viṣṇuḥ
śipiviṣṭo yajñaeva viṣṇau pratitiṣṭhatyatiriktaṃ gaurīvitaṃ atiriktaṃ
evā'tiriktaṃ dadhāti
73.11
etadanyat kuryuṃrukthānyatpraṇayeyurukthāni
vā eṣa nikāmayamāno'bhyatīricyate yo'gniṣṭomādatiricyate
yadyukthyebhyo'tiricyetā'tirātraḥ kāryyo rātriṃ vā eṣa
nikāmayamāno'bhyatiricyate ya ukthyebhyo'tiricyate yadi
rātreratiricyeta viṣṇoḥ śipiviṣṭavatīṣu bṛhatā stuyureṣa tu vā
atiricyata ityāhuryo rātreratiricyata iti
73.12
amuṃ vā eṣa
lokaṃ nikāmayamāno'bhyatiricyate yo rātreratiricyate bṛhatā stuvanti
bṛhadamuṃ lokamāptumarhati tamevā''pnoti
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit