Samavedabrahmananyashtau 74

Sāmavedabrāhmaṇānyaṣṭau 74

aṣṭamaḥ khaṇḍaḥ
yadi dīkṣitānāṃ pramīyeta dagdhvā'sthīnyupanahya yo nediṣṭhī
syāttaṃ dīkṣayitvā saha yajeran

etadanyat kuryuṃrabhiṣutyā'nyatsomamagṛhītvā grahānyāsau dakṣiṇā saktistadvā stuyurmārjālīye
vā

api vā etasya yajñe yo dīkṣitaḥ pramīyate tametena
niravadayante

yāmena stuvanti yamalokamevainaṃ gamayanti

tisṛbhiḥ stuvanti tṛtīye hi loke pitaraḥ

parācībhiḥ
stuvanti parāṅhīto'sau lokaḥ

sarparājñyā ṛgbhiḥ
stuvanti

arbudaḥ sarpa etābhirmṛtāṃ tvacamapāhatamṛtāmevaitābhistvacamapaghnate

tā ṛco'nubruvantastrirmārjālīyaṃ pariyanti
savyānūrūnāghnānāḥ

stutamanuśam̐satyamuṣminnevainaṃ loke
nighnuvanti

yanti vā ete patha ityāhurye mṛtāya
kurvantītyaindravāyavāgrān grahān grahaṇate punaḥ panthānamapiyanti

agna āyūm̐ṣi pavasaiti pratipatkāryyā ya eva jīvanti teṣvāyurdadhāti

saṃvatsare'sthīni yājayeyuḥ saṃvatsaro vai sarvasya
śāntiryatpurā saṃvatsarādyājayeyurvācamaruṣkṛtāṃ krūrāmṛccheyuḥ

asammitam̐ stotraḥsyādasammito hyasau lokastrivṛtaḥ pavamānāḥ syuḥ
saptadaśamitaratsarvam

yattrivṛtaḥ pavamānā bhavanti prāṇā vai
trivṛtprāṇānevopayanti yatsaptadaśamitarat sarvaṃ prajāpatirvai saptadaśaḥ
prajāpatimevopayanti

prāṇāpānairvā ete vyṛdhyanta ityāhurye
mṛtāya kurvantīti maitrāvaruṇāgrān grahān gṛhṇate prāṇāpānau mitrāvaruṇau
prāṇāpānaireva samṛdhyante

Linked texts (3)