Samavedabrahmananyashtau 75
Sāmavedabrāhmaṇānyaṣṭau 75
- Language
- Sanskrit
75.1
navamaḥ khaṇḍaḥ
yasya kalaśa upadasyati kalaśamevā'syopadasyantaṃ
prāṇo'nūpadasyati prāṇo hi somaḥ
75.2
tadāhuḥ payo'vanayediti
75.3
atho khalvāhurantarhitamiva vā etadyatpayo
hiraṇyamevā'po'bhyavanayeddhiraṇyamabhyunnayediti
75.4
prāṇā vā
āpo'mṛtaṃ hiraṇyamamṛta evā'sya prāṇān dadhāti sa
sarvamāyureti
75.5
yasya nārāśam̐sa upavāyati nārāśam̐samevāsyopavīyantaṃ prāṇo'nūpadasyati prāṇo hi somaḥ
75.6
yamadhvaryurantato gṛhaṃ
gṛhṇīyāttasyā''ptumavanayet
75.7
prāyaścityai vai graho gṛhyate
prāyaścityevāsmai prāyaścittiṃ karoti
75.8
yadi pītāpītau somau saṅgaccheyātāmantaḥparidhyaṅgārānnirvartya
juhuyāddhutasya cā'hutasya cā'hutasya hutasya ca pītāpītasya
somasyendrāgnī pibataṃ sutaṃ svāheti saiva tasya prāyaścittiḥ
75.9
prajāpataye svāhetyabhakṣaṇīyasya juhuyāduttarārddhapūrvārddhe uparavaḥ
75.10
indurindramavāgādityavavṛṣṭasya bhakṣayet
75.11
tasya ta indravindrapītasyendriyāvataḥ sarvagaṇasya sarvagaṇa upahūta upahūtasya
bhakṣayāmi
75.12
'hiraṇyagarbhaḥ samavarttatāgra' ityājyenā'bhyupākṛtasya
juhuyādāgnīdhraṃ paretya 'bhūtānāṃ jātaḥ patireka āsīt sa dādhāra
pṛthivīṃ dyāmutemāṃ tasmai' ta 'indo haviṣā vidhema svāhe'ti saiva
tasya prāyaścittiḥ
75.13
yadi grāvā'pi śīryate paśubhiryajamāno
vyṛdhyate paśavo vai grāvāṇo dyutānasya mārutasya sāmnā stuyuḥ
75.14
mārutā vai grāvāṇaḥ svenaivainām̐stadrūpeṇa samarddhayati
75.15
yadi
somamabhidahedgrahānadhvaryuḥ spāśayeta stotrāṇyudgātā śastrāṇi hotā'tha
yathāpūrvaṃ yajñena careyuḥ pañca dakṣiṇā deyāḥ pāṅkto yajñoyāvānyajñastamevārabhate'vabhṛthādudetya punardīkṣeta tatra tadghādyaddāsyaṃ
syāt purā dvādaśyā dīkṣeta yaddvādaśīmatinayedantarddhīyeta
Linked texts (3)
- Kapiṣṭhalakaṭhasaṃhitā — Sanskrit
- Ārṣeyakalpa — Maśaka Gārgya, Sanskrit
- Kāṭhakasaṃhitā — Sanskrit