Samavedabrahmananyashtau 76
Sāmavedabrāhmaṇānyaṣṭau 76
- Language
- Sanskrit
Contents
- 76.3 — 1 part
76.1
yadi mahāvīro bhidyeta taṃ bhinnamabhimṛśet 'ya ṛte cidabhiśriṣaḥ
purā jatrubhya ātṛdaḥ| sandhātā sandhiṃ maghavā purūvasurniṣkartā
vihrataṃ punaḥ| mā bhema niṣṭyā ivendra tvadaraṇā iva vanāni na
prajahitānyadvivo duroṣāso amanmahamanmahīdanāśavonu grābhaśca vṛtrahan
sakṛtsu te mahatā śūra rādhasānustomaṃ mademahī'ti mahāvīraṃ
bhinnamabhimṛśet saiva tasya prāyaścittiḥ
76.2
asuryaṃ vā etasmādūrṇaṃ
kṛtvā teja indriyaṃ vīryamannādyaṃ prajāḥ paśavo'pakrāmanti yasya
yūpo virohati sa īśvaraḥ pāpīyān bhavito:
76.3
tvāṣṭraṃ paśuṃ
bahurūpamālabheta tvaṣṭā vai paśūnāṃ rūpāṇāṃ vikarttā tameva tadupadhāvati sa enaṃ tejasendriyeṇa vīryeṇānnādyena prajayā paśubhiḥ
punaḥ samarddhayati saiva tasya prāyaścittiḥ
76.3.p1
iti navamodhyāyaḥ
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit