Samavedabrahmananyashtau 77
Sāmavedabrāhmaṇānyaṣṭau 77
- Language
- Sanskrit
77.1
agninā pṛthivyauṣadhibhistenāyaṃ lokastrivṛdvāyunāntarikṣeṇa
vayobhistenaiṣa lokastrivṛdyo'yamantarādityena divā nakṣatraistenāsau
lokastrivṛdetadeva trivṛta āyatanameṣāsya bandhutā
77.2
āyatanavān bandhuvān bhavati ya evaṃ veda
77.3
tamu pratiṣṭhetyāhustrivṛddcevaiṣu lokeṣu pratiṣṭhitaḥ
77.4
arddhamāsa eva pañcadaśasyāyatanameṣāsya bandhutā
77.5
āyatanavān bandhumān bhavati ya evaṃ veda
77.6
taṃ vojobalamityāhurarddhamāsaśo hi prajāḥ paśava ojobalaṃ puṣyanti
77.7
saṃvatsara eva saptadaśasyāyatanaṃ dvādaśamāsāḥ pañcarttava etadeva saptadaśasyāyatanameṣāsya bandhutā
77.8
āyatanavān bandhuvān bhavati ya evaṃ veda
77.9
tamu prajāpatirityāhuḥ saṃvatsaraṃ hi prajāḥ paśavo'nu prajāyante
77.10
āditya evaikaviṃśasyāyatanaṃ dvādaśamāsāḥ pañcarttavastraya ime lokā asāvāditya ekaviṃśa etadevaikaviṃśasyāyatanameṣāsya bandhutā
77.11
āyatanavān bandhuvān bhavati ya evaṃ veda
77.12
tamu devatalpa ityāhuḥ pradevatalpamāpnoti ya evaṃ veda
77.13
trivṛdeva triṇavasyāyatanameṣāsya bandhutā
77.14
āyatanavān bandhumān bhavati ya evaṃ veda
77.15
tamu puṣṭirityāhustrivṛddhyevaiṣa puṣṭaḥ
77.16
devatā eva trayastriṃśasyāyatanaṃ trayastriṃśaddevatāḥ prajāpatiścatustriṃśa etadeva trayastriṃśasyāyatanameṣāsya bandhutā
77.17
āyatanavān bandhumāna bhavati ya evaṃ veda
77.18
tamu nāka ityāhurna hi prajāpatiḥ kasmai ca nā''kam
77.19
chandāṃsyeva chandomānāmāyatanameṣaiṣāṃ bandhutā
77.20
āyatanavān bandhumān bhavati ya evaṃ veda
77.21
tānu
puṣṭirityāhuḥ paśavo hi chandomāḥ