Pramāṇa · Search · About · API

Samavedabrahmananyashtau 78

Sāmavedabrāhmaṇānyaṣṭau 78

Language
Sanskrit

78.1

dvitīyaḥ khaṇḍaḥ
prajāpatiḥ prajā asṛjata so'tāmyattasmai vāgjyotirudagṛhṇātso'bravītkome'yaṃ jyotirudagrahīditi svaiva te vāgityabravīttāmabravīdvirājaṃ tvācchandasāṃ jyotiṣkṛtvā yajāntā iti

78.2

tasmādyo virājaḥstomaḥ sampadyate taṃ jyotiṣṭomo'gniṣṭoma ityācakṣate
virāḍdhi chandasāṃ jyotiḥ

78.3

jyotiḥ samānānāṃ bhavati ya evaṃ
veda

78.4

anuṣṭup ca vai saptadaśaśca samabhavatāṃ sānuṣṭup caturuttarāṇi
chandāṃsyasṛjata ṣaḍuttarān stomān saptadaśastāvetānmadhyataḥ
prājanayatām

78.5

trivṛcca triṇavaśca rāthantarau tāvajaścāśvaścānvasṛjyetāṃ tasmāttau rāthantaraṃ prācīnaṃ pradhūnutaḥ

78.6

pañcadaśaścaikaviṃśaśca bārhatau tau gauścā'viścānvasṛjyetāṃ tasmāttau bārhataṃ prācīnaṃ
bhāskurutaḥ

78.7

evaṃ vai vidvām̐samāhurapi grāmyāṇāṃ paśūnāṃ vāca
ājānāti

Linked texts (3)