Samavedabrahmananyashtau 79
Sāmavedabrāhmaṇānyaṣṭau 79
- Language
- Sanskrit
79.1
tṛtīyaḥ khaṇḍaḥ
prajāpatirakāmayata bahu syāṃ prajāyeyeti sa ātmannṛtvamapaśyattata
ṛtvijo'sṛjata yadṛtvādasṛjata tadṛtvijāmṛtviktvaṃ tairetaṃ dvādaśāhamupāsīdatso'rādhnot
79.2
pitā no'rātsīditi māsā upāsīdaṃste
dīkṣayaivā'rādhnuvannupasatsu trayodaśamadīkṣayaṃso'nuvyamabhavatsamādupasatsu
didīkṣāṇo'nuvyaṃ bhavatyeva ca hi trayodaśaṃ māsañcakṣate naiva ca
79.3
ekodīkṣataiko hi prajāpatirarādhnoddvādaśa dīkṣeran dvādaśa hi māsā
arādhnuvaṃścaturviṃśatirdīkṣeraṃścaturviṃśatirhyarddhamāsā arādhnuvan
79.4
yadi pañcaviṃśodīkṣeteme pañceme pañceme pañceme pañceme catvāro'—
sāveka iti nirdiśeyuryasmā arāddhikāmāḥ syustamevā'rāddhiranveti
sarva itare rādhnuvanti
79.5
yo vai devānāṃ gṛhapatiṃ vedā'śnute
gārhapataṃ pragārhapata māpnoti
79.6
saṃvatsaro vai devānāṃ gṛhapatiḥ
sa eva prajāpatistasya māsāeva saha dīkṣiṇaḥ
79.7
vindate saha
dīkṣiṇo'śnute gārhapataṃ pragārhapatamāpnoti ya evaṃ veda
79.8
yo
vai chandasām̐ svarājaṃ vedā'śnute svārājyaṃ prasvārājyamāpnoti bṛhatī
vāva chandasām̐ svarā'śnute svārājyaṃ prasvārājyamāpnoti ya evaṃ
veda
79.9
tāṃ vā etāmannādyāya vyāvṛjyā''sate yadetaṃ dvādaśāhaṃ
dvādaśa dīkṣā dvādaśopasado dvādaśa prasutaḥ ṣaṭtriṃśadetā rātrayo
bhavanti ṣaṭtriṃśadakṣarābṛhatī
79.10
jāyate vāva dīkṣayā punīta
upasadbhirdevalokameva sutyayā'pyeti
79.11
etāvadvāva saṃvatsaraindriyaṃ
vīryaṃ yadetārātrayo dvādaśa paurṇamāsyo dvādaśaikāṣṭakā dvādaśā'māvāsyā
yāvadeva saṃvatsara indriyaṃ vīryaṃ tadetenā''ptvāvarundhe dvādaśāhena
79.12
triṃśadakṣarā vā eṣā virāṭ ṣaḍṛtava ṛtuṣveva virājā pratitiṣṭha—
tyṛtubhirvirāji
79.13
dvātriṃśadakṣarā vā eṣā'nuṣṭubvāganuṣṭup
catuṣpādāḥ paśavo vācāpaśūndādhāra tasmādvācā siddhā vācāhūtā
āyanti tasmādu nāma jānate