Pramāṇa · Search · About · API

Samavedabrahmananyashtau 80

Sāmavedabrāhmaṇānyaṣṭau 80

Language
Sanskrit

80.1

caturthaḥ khaṇḍaḥ
bhūtaṃ pūrvo'tirātro bhaviṣyaduttaraḥ pṛthivī pūrvo'tirātro
dyauruttaro'gniḥ pūrvo'tirātra āditya uttaraḥ prāṇaḥ pūrvo'tirātra
udānauttaraḥ

80.2

cakṣuṣī atirātrau kanīnike agniṣṭomau yasmādantarā
agniṣṭomāvatirātrābhyāṃ tasmādantare satyau kanīnike bhuṅktaḥ

80.3

saṃvatsarasya vā etau daṃṣṭrau yadatirātrau tayorna svaptavyaṃ saṃvatsarasya
daṃṣṭrayorātmānaṃ nedapi dadhānīti

80.4

tadāhuḥ ko'svaptumarhati yadvāva prāṇo jāgāra tadeva
jāgaritamiti

80.5

gāyatrīṃ vā etāṃ jyotiṣpakṣāmāsate yadetaṃ
dvādaśāhamaṣṭau madhya ukthā agniṣṭomāvabhito māsā svargaṃllokametyā''jarasaṃ brahmādyamannamatti dīpyamānaḥ

80.6

triṣpurastādrathantaramupayanti tryāvṛddhai vāk sarvameva vācamavarudhya sarvamannādyaṃ dvādaśāhaṃ
tanvate

80.7

jāmi vā etadyajñe kriyata itvāhuryat
triṣpurastādrathantaramupayantīti saubharamukthānāṃ brahsāma bhavati tenaiva
tadajāmi

80.8

pratnavatyaḥ prāyaṇīyasyā''ṅgaḥ pratipado bhavanti teno
eva tadajāmi

80.9

trirvevopariṣṭādrathantaramupayanti tryāvṛddhai vāk
sarvameva vācamavarudhya sarvamannādyaṃ dvādaśāhāduttiṣṭhanti

Linked texts (3)