Samavedabrahmananyashtau 81
Sāmavedabrāhmaṇānyaṣṭau 81
- Language
- Sanskrit
81.1
pañcamaḥ khaṇḍaḥ
trayo vā ete trirātrā yadeṣa dvādaśāho gāyatramukhaḥ prathamo
gāyatramadhyo dvitīyo gāyatrottamastṛtīyaḥ
81.2
yasmādgāyatramukhaḥ
prathamastasmādūrdhvo'gnirdīdāya yasmādgāyatramadhyo dvitīyastasmāttiryaṅṅ
vāyuḥ pavate yasmādgāyatrottamastṛtīyastasmādarvāṅādityastapati
81.3
tejasā vai gāyatrī prathamaṃ trirātraṃ dādhāra padairdvitīyamakṣaraistṛtīyam
81.4
trivṛdvai gāyatryāstejastrivṛtprāyaṇīyamahastena
prathamastrirātro dhṛtistripadā gāyatrī trirātro madhye tena dvitīyastrirātro dhṛtaścaturviṃśadatyakṣarā gāyatrī caturviṃśaḥuttamamahastena
tṛtīyastrirātro dhṛtaḥ
81.5
tejasā vā ete prayanti tejo madhye
dadhati tejo'bhyudyanti jyotiṣā vā ete prayanti jyotirmadhye
dadhati jyotirabhyudyanti cakṣuṣā vā ete prayanti cakṣurmadhye dadhati
cakṣurabhyudyanti prāṇena vā ete prayanti prāṇaṃ madhye dadhati prāṇamabhyudyanti
ye gāyatrayā prayanti gāyatrīṃ madhye dadhati gāyatrīmabhyudyanti
81.6
tantraṃ vā etadvitāyate yadeṣa dvādaśāhastasyaite mayūkhā yadvāyatrya
saṃvyāthāya
81.7
girikṣidauccāmanyaveti hovācābhipratārī kākṣaseniḥ
kathaṃ dvādaśāha iti yathā''rānnemiḥ parye tyevamenaṃ gāyatrī
paryetyavisraṃsāya yathā'rā nābhau dhṛtā evamasyāṃ dvādaśāho
dhṛtaḥ
81.8
anuṣṭubhaṃ vā etāmannādyāya vyāvṛjyā''sate yadetaṃ
dvādaśāham
81.9
aṣṭābhirvā akṣarairanuṣṭup prathamaṃ dvādaśāhasyāharudyacchatyekādaśabhirdvitīyaṃ dvādaśabhistṛtīyam
81.10
akṣaraṃ
tryakṣaramucchiṣyate tadevottaraṃ trirātramanu vidadhāti
81.11
chandām̐syevā'syāstṛtīyaṃ trirātraṃ vahanti
81.12
tāṃ vā etāṃ pratīcīṃ
tiraścīṃ parācīmāsate'nnādyāya tasmātpratyañcaṃ tiryañcaṃ parāñcaṃ prajāḥ
paśumupajīvanti
81.13
chandām̐si vā anyonyasya lokamabhyadhāyan
gāyatrī triṣṭubhastribjagatyā jagatī gāyatryāstāni vyauhanyathā lokaṃ
tato vai tāni yaṃ yaṃ kāmamakāmayanta tamasanvan
81.14
yat kāmo
vyūḍhacchandasā dvādaśāhena yajate so'smai kāmaḥ samṛdhyate
81.15
oko vai devānāṃ dvādaśāho yathā vai manuṣyā imaṃ lokamāviṣṭā
evaṃ devatā dvādaśāhamāviṣṭā devatāha vā etena yajate ya evaṃ
vidvān dvādaśāhena yajate
81.16
gṛhā vai devānāṃ dvādaśāho
nā'gṛhatāyā bhayyam
81.17
yo vai dvādaśāhamagniṣṭomena kalpamānaṃ
veda kalpate'smai prātaḥsavanenaiva prathamastrirātraḥ kalpate mādhyandinena
savanena dvitīyastṛtīyasavanena tṛtīyo'gniṣṭoma sāmnaiva daśamamahaḥ
kalpate
81.18
kalpate'smai ya evaṃ veda