Samavedabrahmananyashtau 84
Sāmavedabrāhmaṇānyaṣṭau 84
- Language
- Sanskrit
Contents
- 84.10 — 1 part
84.1
aṣṭamaḥ khaṇḍaḥ
indreti prathamasyāhno rūpamindravibhakterindramiti dvitīyasyendreṇeti
tṛtīyasyendraiti caturthasyendrāditi pañcamasyendreti ṣaṣṭhasya yenaiva
rūpeṇa prayanti tadabhyudyantī yasmādeṣā samānā satīndravibhaktirnānārūpā tasmādyathartvoṣadhayaḥ pacyante
84.1-2
navamaḥ khaṇḍaḥ
yadcā prastauti tatprathamasyā''o rūpaḥsvara vibhakteryatpurastāt
stobhaṃ tadvitīyasya yadubhayataḥ stobhaṃ tattṛtīyasya yadanutunnaṃ
taccaturthasya yadabhyārabdhaṃ tatpañcamasya yadihakāreṇābhyastaṃ tat
ṣaṣṭhasyo'hno rūpam
84.2
svarāṇāṃ yasmādeṣā samānā satī svaravibhaktirnānārūpā tasmādyathartu vāyuḥ pavate
84.1-3
daśamaḥ khaṇḍaḥ
padanidhanaṃ prathamasyā'hno rūpaṃ nidhanavibhakterbahirdhinaṃ dvitīyasya
diṅnidhanaṃ tṛtīyasyenidhanañcaturthasyā'thakāraṇidhanaṃ pañcamasya yadihakāreṇābhyastaṃ tat ṣaṣṭhasyā'hno rūpaṃ nidhanānāṃ yasmādeṣā samānā
satī nidhanavibhaktirnānārūpā tasmādime lokāḥ saha
santonānaiva
84.1-4
ekādaśaḥ khaṇḍaḥ
dravadidaṃ prathamasyā'hno rūpamiḍāvibhakterurddheḍaṃ dvitīyasya
pariṣṭubbheḍaṃ tṛtīyasyeḍābhiraiḍaṃ caturthasyā'dhyarddheḍaṃ pañcamasya yadihakāreṇābhyastaṃ tat ṣaṣṭhasyā'hno rūpamiḍānāṃ yasmādeṣā samānā
satīḍāvibhaktirnānā rūpā tasmātsamānāḥ santaḥ paśavo nānārūpāḥ
84.1-5
drādaśaḥ khaṇḍaḥ
bhāradvājāyanā vai satramāsata tānapṛcchan kiṃ prathamenā'hnā kuruteti
praivaimeti kiṃ dvitīyenetyavasamevā'kurmmahīti kiṃ tṛtīyeneti
paryevāplavāmahīti kiṃ caturtheneti sataiva sadapyadadhmeti kiṃ pañcameneti
prāṇāneva vicchindanta aimeti kiṃ ṣaṣṭhenetīdamevā'gacchāmeti
84.2-2
yasya padena prastautyatha svāramabhi vāva tena devāḥ paśūnapaśyanyan
yatpurastāt stobhamatha svāramudeva tenāsṛjanta yadubhayataḥ stobhamatha
svāramebhya eva tena lokebhyo devāḥ paśubhyo'nnādyaṃ prāyacchan
yadanutunnamatha svāramupaiva tenāśikṣanyasva madhye nidhanamatha svāraṃ
garbhāṃstenādadhata tāni havatā svāreṇa prājanayan
84.3
imaṃ vāva
devā lokaṃ padanidhanenā'bhyajayannamuṃ bahirṇidhanenā'ntarikṣaṃ
diṅnidhanenā'mṛtatattvamīnidhanenāgacchan brahmavarccasamathanidhanenā'vārundhatāsminneva lokaiha nidhanena pratyatiṣṭhan
84.4
imaṃ vāva devā
lokaṃ dravadiḍenā'bhyajayannamumūrddheḍenāntarikṣaṃ pariṣṭubbhedena pratiṣṭhāmiḍābhiraiḍenā'vārūndhata pratiṣṭhāyā'dhyarddheḍena vyajayantāsminneva
lokaiheḍena pratyatiṣṭhan
84.5
na vāk saṃvatsaramativadatīḍaiva
saṃvatsaramativadati garbheṇa saṃvatsare paryāvṛtya prajāyate tenā'ti
vadati
84.6
tā vā etāścatasraḥ ṣaḍahaṃ parācya iḍā atiyantyeṣā
nūtaiṣā viṣūcyeṣā pratīcyetadvīḍam
84.7
saṃvatsaro'gnirvāk saṃvatsaro
yadagnirvibhajyate vācameva tadvibhajanti
84.8
dve dve akṣare vibhajanti
dvau dvau hi māsāvṛturatho māsānāmeva tadrūpaṃ kriyate
84.9
ṣaḍahāni
vibhajanti ṣaḍṛtava ṛtūnāṃ dhṛtyā ṛtūnāṃ pratiṣṭhityā atho ṛtūnāmeva
tadrūpaṃ kriyate ṣaḍu puruṣā yānagniranuvihayate
84.10
yadidaṃ
bahudhāgnirvihyate yadasāvādityaḥ sarvāḥ prajāḥ pratyaṅ tasmādete
eva devate vibhaktimānaśāte nāto'nyā kācana
84.10.p1
iti daśamo'dhyāyaḥ
Linked texts (1)
- Pañcaviṃśabrāhmaṇa — Sanskrit