Samavedabrahmananyashtau 88
Sāmavedabrāhmaṇānyaṣṭau 88
- Language
- Sanskrit
88.1
pañcamaḥ khaṇḍaḥ
'prasomāso madacyuta' iti gāyatrī bhavati madavad vai rasavattṛtīyasavanaṃ madameva tadrasaṃ dadhāti 'ayā pavasva devayu'rityeti rathantarasya
rūpaḥrāthantaraḥhotadahaḥ 'pavate'haryato hari'riti bṛhato rūpaṃ bṛhadeva
tadetasminnahani yunakti tadyuktaśca ārabhante 'prasunvānāyāñndhasa'
iti pravatyo bhavanti praṇinīṣeṇyamiva hotadahaḥ 'abhipriyāṇi pavate
ca nohita' ityabhīti rathantarasya rūpaḥrāthantaraḥhotadahaḥ
88.2
'yajñāyajñāvo agnaya' ityagnirvai yajño yajñaeva tadyajñaṃ
pratiṣṭhāpayati
88.3
gāyatraṃ bhavati yadevaṃ gāyatrasya brāhmaṇam
88.4
saṃhitaṃ bhavati vyakṣaraṇidhanaṃ pratiṣṭhāye pratiṣṭhāyaiva satramāsate
88.5
saphaṃ bhavati
88.6
saphena vai devā imān lokān samāpnuvan
yatsamāpnuvaḥstatsaphasya saphatvamimānevaitena lokān samāpya
satramāsate
88.7
ākṣāraṃ bhavati
88.8
aṣṭau vā etāḥ kāmadughā
āsaḥstāsāmekā samaśīryata sā kṛṣirabhavaddhayate'smai kṛṣau ya
evaṃ veda
88.9
tāsu devāsurā asparddhanta te devā asurān kāmadughābhya ākṣāreṇā'nudanta nudate bhrātṛvyaṃ kāmadughābhya ākṣāreṇa
tuṣṭuvānaḥ
88.10
ebhyo vai lokebhyo raso'pākrāmattaṃ prajāpatirākṣāreṇā'kṣārayadyadākṣārayattadākṣārasyā'kṣāratvam
88.11
tasmādyaḥ
purā puṇyo bhūtvā paścātpāpīyān syādākṣāraṃ brahmasāma
kurvītā'tmanyevendriyaṃ vīryaṃrasamākṣārayati
88.12
januṣaikacchrau bhavato'hno dhṛtyai yadvā etasyā'hno'dhṛtaṃ tadetābhyāndādhāra
88.13
gaurīvitaṃ bhavati
88.14
gaurīvitirvā
etacchāktyo brahmaṇo'tiriktamapaśyattadgaurīvitamabhavat
88.15
atiriktaṃ vā etadatiriktena stuvanti yadgaurīvitenāhīnā''stvastanavadbhavatyapi prajāyā upaklṛptam
88.16
vṛṣā vā etadvājisāmavṛṣabho retodhā adyastuvanti śvaḥ prajāyate
88.17
anuṣṭubhi
chandasāṃ kriyate'nuṣṭubbhi chandasāṃ yoniḥ svāyāmeva tadyonau
retodhatte prajātyai
88.18
prajāyate bahurbhavati ya evaṃ veda
88.19
dvayudāsaṃ bhavatyetau vā udāsau svargasya lokasyā'vasānadarśau pūrveṇa
pūrvamahaḥ saṃsthāpayantyuttareṇottaramaharabhyati vadanti
88.20
tadyathā'daḥ
pūrvaidyuḥ spaṣṭaṃ tṛṇodakamanvasyanto yantyevamevatābhyām̐svargaṃ lokamanvavasyanto yanti
88.21
gautamaṃ bhavati
88.22
sāmā''rṣeyavat
svargāya yujyate svargāllokānna cyavate tuṣṭuvānaḥ
88.23
yadu
caivā''nuṣṭubhasya madhye nidhanasya brāhmaṇaṃ tadu caitasya
88.24
kāvaṃ bhavati
88.25
lokabindu sāma vindate lokaṃ kāvena
tuṣṭuvānaḥ
88.26
svāramusvareṇa svareṇa hi devebhyo'ntato'nnādyaṃ
pradīyate svareṇaiva taddevebhyo'ntato'nnādyaṃ prayacchati
88.27
yajñāyajñīyaṃ
bhavati
88.28
vāgyajñāyajñīyaṃ vāci yajñaḥ pratiṣṭhito vācyeva
tadyajñamantataḥ pratiṣṭhāpayanti taṃ vāco'dhi śva ārabhante
88.29
trivṛdeva stomo bhavati tejase brahmavarccasāya