Samavedabrahmananyashtau 90
Sāmavedabrāhmaṇānyaṣṭau 90
- Language
- Sanskrit
90.1
saptamaḥ khaṇḍaḥ
ubhābhyāṃ vai rūpābhyāṃ bahiṣpavamānyo yujyante yatsāmāstomo
bhavati tadājyeṣu
90.2
nirāhopasthitānyājyāni bhavanti
90.3
‘agniṃ dūtaṃ vṛṇīmahe mitraṃ vayaśhavāmaha indramiddhāthino bṛhadindro
agnā namo bṛha’iti bārhatameva tadrūpaṃ nirdyotayati stomaḥ
90.1-2
aṣṭamaḥ khaṇḍaḥ
‘vṛṣā pavasva dhārayeti gāyatrī bhavatyaho dhṛtyai
90.2-2
vṛṣaṇvatyastriṣṭubhorūpeṇa traiṣṭubhaścaitadahaḥ
90.3-2
‘punānaḥ soma
dhārayeti dhṛtyai
90.4
vṛṣāśoṇo abhi kanikradadvā iti
90.5
vṛṣaṇvatyastriṣṭubho rūpeṇa samṛddhā vṛṣaṇvadvā etadaindraṃ traiṣṭubhamaharyat
dvitīyaṃ tadeva tadabhivadati
90.6
gāyatraṃ bhavati yadeva gāyatrasya
brāhmaṇam
90.7
yauktāśvaṃ bhavati
90.8
yuktāśvo vā āṅgirasaḥ
śiśū jātau viparyyaharattasmānmantro'pākrāmatsatapo'tapyata sa
etadyauktāśvamapaśyattaṃ mantra upāvarttata tadghāva sa tarhikāmayata kāmasani sāma yauktāśvaṃ kāmamevaitenā'varundhe
90.9
āyāsye bhavataḥ
90.10
ayāsyo vā āṅgirasa ādityānāṃ
dīkṣitānāmannamāśnāttaṃśśugārthāsatapo'tapyata sa ete āyāsye
apaśyattābhyāṃśśucamapāhatā'paśucaṃśca ta āyāsyābhyāṃ
tuṣṭuvānaḥ
90.11
ebhyo vai lokebhyo vṛṣṭirapākrāmattāmayāsya
āyāsyābhyāmacyāvayat cyāvayati vṛṣṭimāyāsyābhyāṃ
tuṣṭuvānaḥ
90.12
annādyaṃ vāva tadebhyo lokebhyo'pākrāmattadayāsya
āyāsyābhyāmacyāvayat cyāvayatyannādyamāyāsyābhyāṃ
tuṣṭuvānaḥ
90.13
vāsiṣṭhaṃ bhavati
90.14
vasiṣṭho vā etena
vaiḍavaḥ stutvāñjasā svargaṃ lokamapaśyat svargasya lokasyā'nukhyātyai
svargāllokān cyavate tuṣṭuvānaḥ stomaḥ
Linked texts (1)
- Pañcaviṃśabrāhmaṇa — Sanskrit