Samavedabrahmananyashtau 93
Sāmavedabrāhmaṇānyaṣṭau 93
- Language
- Sanskrit
Contents
- 93.14 — 1 part
93.1
ekādaśaḥ khaṇḍaḥ
'ehyūṣu bruvāṇita' ityehivatyo bhavanti tṛtīya'syāha upahavāya
santatyai
93.2
apacchidiva vā etadyajñakāṇḍaṃ yadukthāni yadeti
salomatvāya
93.3
evāhyasi vīrayuriti samānaṃ vadantīdamitthamasaditi
93.4
indraṃ viśvā avīvṛdhannityavarddhanta hotarhi
yajamānamevaitayā varddhayanti
93.5
sākamaśvaṃ bhavatyukthānāmabhijityā
abhikrāntyai
93.6
etena hyagra ukthānyabhyajayannetenābhyakrāman
93.7
āmahīyavaṃ bhavati klṛptiścā''nnādyañca samānaṃ vadantīṣu kriyata
idamitthamasaditi
93.8
kṣatraṃ vā etadaharabhinirvadati yatpañcadaśaṃ
yadgāyatrīṣu brahmasāma bhavati brahma caiva tatkṣatrañca sayujī karoti
brahmaiva kṣatrasya purastānnidadhāti brahmaṇe kṣatrañca viśaścā'nuge
karoti
93.9
brahma vai pūrvamahaḥ kṣatraṃ dvitīyaṃ yadgāyatrīṣu brahmasāma
bhavati brahma tadyaśasārddhayati brahma hi gāyatrī
93.10
tadu samānaṃ
vadantīṣu kriyate samṛddhyai
93.11
āṣṭādaṃṣṭre bhavataḥ
93.12
aiyāhā iti vā indro vṛtramahannaiyādohovetinyagṛhaṇādvārṣṇe sāmanī
vīryavatī
93.13
ojaevaitābhyāṃ vīryyamavarundhe
93.14
pañcadaśa
eva stomo bhavatyojasyeva tadvīrye pratitiṣṭhatyojo vīryaṃ
pañcadaśaḥ
93.14.p1
iti ekādaśo'dhyāyaḥ
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit