Samavedabrahmananyashtau 94
Sāmavedabrāhmaṇānyaṣṭau 94
- Language
- Sanskrit
94.1
dvādaśo'dhyāyaḥ:
prathamaḥ khaṇḍaḥ
davidyutatyāruceti tṛtīyasyā''hnaḥ pratipadyavati
94.2
davidyutatīvai gāyatrī paristrobhantī triṣṭub gavāśīrjjagatī trīṇi rūpāṇi samārabhate trirātrasyā'visaṃsāya
94.3
ete asugramindava ityanurūpo bhavati
94.4
etaiti vai prajāpatirdevānasṛtāsugramiti manuṣyānindava iti pitṝṃstadeva tadabhivadati
94.5
pūrvamuccaiva tadrūpamapareṇa rūpeṇānuvadati yatpūrvaṃrūpamapareṇa rūpeṇānuvadati tadanurūpasyā'nu-rūpatvamanurūpaenaṃ putro jāyate ya evaṃ veda
94.6
stotrīyānurūpau tṛcau bhavataḥ prāṇāpānānāmavarudhyai
94.7
rājā medhābhirīyate pavamāno manāvadhyantarikṣeṇa yātava iti
94.8
antarikṣadevatyastṛco bhavatyantarikṣadevatyametadaharyyatṛtīyaṃ tadeva tadabhivadati
94.9
pañcarco bhavati pañcapadā paṅktiḥ pāṅktamannamannādyasyā'varudhyai
94.10
tṛca uttamo bhavati yenaiva prāṇena prayanti tamabhyudyanti
94.11
saptadaśā-eva stomo bhavati pratiṣṭhāyai prajātyai