Pramāṇa · Search · About · API

Samavedabrahmananyashtau 97

Sāmavedabrāhmaṇānyaṣṭau 97

Language
Sanskrit

97.1

caturthaḥ khaṇḍaḥ
'yadyāva indra te śata' miti śatavatyo bhavanti

97.2

śatavadvai
paśūnām̐rūpam̐sahasravatpaśūnāmevaitābhīrūpamavarundhe

97.3

'vayaṃ gha tvā
sutāvanta' iti sato bṛhatyo varṣīyaśchanda ākramate'napabhraṃśāya

97.4

taraṇiritsiṣāsati vājaṃ purandhyā yujāva indraṃ
puruhūtaṃ name giretyāvadakṣaramudgatamiva vai tṛtīyamaharyadetadāvadakṣaraṃ
bhavatyaharevaitena pratiṣṭhāpayati

97.5

paścanidhanaṃ vairūpaṃ pṛṣṭhaṃ bhavati
diśāṃ dhṛtyai

97.6

paścapadā paṅktiḥ pāṅktamannamannādyasyā'varudhyai

97.7

diśāṃ vā etatsāma yadvairūpaṃ diśo hovaitenābhi
vadati

97.8

atha yatpañcanidhanaṃ tenartūnāṃ pañcahotavaḥ

97.9

ṛtumiśca
vā ime lokādigbhiścā''vṛtāsteṣve vobhayeṣu yajamānaṃ pratiṣṭhāpayati
yajamānaṃ vā anu pratitiṣṭhantamudgātā pratitiṣṭhati ya evaṃ vidvān
vairūpeṇodvāyati

97.10

digvadvadati bhrātṛvyasyā'panutyai

97.11

'diśaṃ
viśa' miti nidhanamupayanti diśāṃ dhṛtyai

97.12

'hasi'tyupariṣṭādiśāṃ
nidhanamupayanti tena bārhatam

97.13

rāthantaro vā ayaṃ loko
bārhato'sāvubhe eva tadbṛhadrathantarayo rūpeṇā'parādhnoti

97.14

anaḍvāhau vā etau devayānau yajamānasya yadbṛhadrathantare tāveva
tadyunakti svargasya lokasya samaṣṭyai

97.15

aśvavadvadati
prajātyai

97.16

yathā maṇḍūka āṭ karotyevaṃ nidhanamupayantyayātayāmatāyai

97.17

dvādaśavairūpāṇi bhavanti dvādaśamāsāḥ saṃvatsaraḥ saṃvatsara eva
pratitiṣṭhati

97.18

virūpaḥ saṃvatsaro virūpamannamannādyasyāvarundhyai

97.19

mahāvaiṣṭabhaṃ brahmasāma bhavatyannādyasyāvarudhyai

97.20

yadā vai puruṣo'nnamatyāthāntarato viṣṭabdhaḥ

97.21

'diśa' iti
nidhanamupayanti diśāṃ dhṛtyai

97.22

sato bṛhatīṣu stuvanti pūrvayorahno: pratyudyamāya

97.23

rauravamacchāvākasāma bhavati

97.24

agnirvai rūro rudro'gniḥ

97.25

agnirvā etasya paśūnapakramayati
yasya paśavo'pakrāmantyagniretasya paśūnabhikramayati yasya
paśavo'bhikrāmanti

97.26

abhyabhyevāsya paśavaḥ krāmanti ya
evaṃ vidvān rauraveṇa stuvate

97.27

pariṣṭubbhedaṃ tathā hyetasyāhno
rūpastomaḥ

Linked texts (4)