Samavedabrahmananyashtau 98

Sāmavedabrāhmaṇānyaṣṭau 98

Language: Sanskrit

98.1

pañcamaḥ khaṇḍaḥ
'tisro vāca udīrata' iti tṛtīyasyāhno rūpaṃ tena tṛtīyamaharārabhante

98.2

udvadvā etat trivadaharyat tṛtīyaṃ tadeva
tadabhivadati

98.3

'ā sotā pariṣiñcate'ti parivityo bhavanti

98.4

anto vai tṛtīyamahastasyaitāḥ paryāptyai

98.5

'sakhāya ā niṣīdate'
tyuddhatamiva vai tṛtīyamaha'ryadāha niṣīdate' tyaharevaitena
pratiṣṭhāpayati

98.6

'sutāso madhumattamā' ityanuṣṭubhaḥ satyo jagatyo
rūpeṇa jāgataścaitadahaḥ

98.8

vitatamiva vā idamantarikṣamantareme antarikṣa devatyametadaharyattṛtīyaṃ tadeva tadabhivadati

98.9

gāyatraṃ bhavati yadeva gāyatrasya
brāhmaṇam

98.11

paṣṭhavāḍvā
etenāṅgirasaścaturthasyāhno vācaṃ vadantī mupāśrṛṇotsa hovāgiti
nidhanamupaittadasyābhyuditaṃ tadaharavasat

98.13

vāgvai dvādaśāho vācyeva tadvācā
stuvate yajñasya prabhūtyai

98.14

niṣkirīyāḥ satramāsata te tṛtīyamaharnāprājānaḥstānetatsāma gāyamānān vāgupāllavat tena tṛtīyamahaḥ
prājānaḥste'bru 'vanniyaṃ vāva nastṛtīyamaharadīdṛśa' diti
tṛtīyasyaivaiṣā''ṅgo dṛṣṭiḥ

98.16

śuktirvā
etenā''ṅgiraso'jñasā svargaṃ lokamapaśyat svargasya
lokasyā'nukhyātyai svargāllokānna cyavate tuṣṭuvānaḥ

98.17

gaurīvitaṃ bhavati yadeva gaurīvitasya brāhmaṇam

98.19

indra vā akṣyāmayiṇaṃ bhūtāni nā'svāpayaḥstametena tvāṣṭraco'svāpayaḥstadbhāva tāstarhikāmayanta

98.20

kāmasani sāma tvāṣṭrī sāma kāmamevaitenā'varundhe

98.21

indro
vṛtrādvibhyadgāṃ prāviśattaṃ tvāṣṭraco'brūvañjanayāmeti tametaiḥ
sāmabhirajanayajñāyāmahā iti vai satra māsate jāyanta eva

devāśca vā asurāścāsparddhanta yaṃ devānāmaghnanna
sa samabhavadyamasurāṇām̐sam̐so'bhavatte devāstapo'tapyanta ta
etadariṣṭamapaśyam̐stato'yaṃ devānāmaghnan sam̐so'bhavadyamasurāṇāṃ na
sasamabhavadenāriṣāmeti tadariṣṭasyāriṣṭatvamariṣṭyā evā'riṣṭamantataḥ
kriyate

98.24

trīḍaṃ bhavati trirātrasya dhṛtyai

98.25

dravantīmiḍāmuttamāmupayanti caturthasyā''hnaḥ santatyai stomaḥ