Samavedabrahmananyashtau 99
Sāmavedabrāhmaṇānyaṣṭau 99
- Language
- Sanskrit
99.1
ṣaṣṭhaḥ khaṇḍaḥ
'pramam̐hiṣṭhāya gāyate'ti
99.2
'yadgāyate'ti mahasa eva tadrūpaṃ
kriyate
99.3
'taṃ te madaṃ gṛṇī masī'ti madavadvai rasavattṛtīyasavanaṃ
madameva tadrasaṃ dadhāti
99.4
‘śrudhīhavaṃ tiraścyā’ iti śrutyā eva
99.5
pramaṃ'hiṣṭhīyaṃ
bhavati
99.6
pramaṃ'hiṣṭhīyena vā indro vṛtrāya vajraṃ prāvarttayattamastṛṇuta
bhrātṛvyavān pramaṃ'hiṣṭhīyenokthāni praṇayeta stṛṇute bhrātṛvyaṃ
vasīyām̐'ātmanā bhavati
99.7
hārivarṇaṃ bhavati
99.8
indraśca vai
namuciścā'suraḥ samadadhātāṃ na nau naktanna divā'hanannā''rdreṇa na
śuṣkeṇeti tasya vyūṣṭāyāmudita āditye'pāṃ phenena śiro'cchindetadvai na naktaṃ na divāyat vyuṣṭāyāmudita ādityaetannā''rdrannaśuṣkaṃ
yadapāṃ phenastadenaṃ pāpīyāṃ vācaṃ vadadanvavarttata vīrahannadruhodruha iti
tannarccā na sāmnā'pahantumaśaknot
99.9
taddhārivarṇasyaiva
nidhanenāpāhata
99.10
apaśucaḥhate hārivarṇasya nidhanena śriyañca
haraścopaiti tuṣṭuvānaḥ
99.11
tairaścyaṃ bhavati
99.12
aṅgirasaḥ
svargaṃllokaṃ yanto rakṣām̐syanvasacanta tānyetena tiraścāṅgirasastiryaṅparyavaidyattiryaṅparyavaittastāttairaścyaṃ pāpmā vāvasa tānasacata taṃ
tairaścyenāpāghnatāpapāpmanaśhate tairaścyena tuṣṭuvāna;
99.13
saptadaśa
eva stomo bhavati pratiṣṭhāyai prajātyai