Samaveda 17.3
Sāmavedārthaprakāśa 17.3
- Language
- Sanskrit
17.3
he ‘pūṣan’ ! ‘te’ tava ‘śukraṃ’ śuklavarṇam ‘anyat’ ekamaharbhavati vāsarātmakam, tathā ‘te’ tava sambandhi ‘yajataṃ’ [yajireṣa saṅgatikaraṇe (1) varttate] yajanīyaṃ prakāśena saṅgamanīyaṃ svataḥ kṛṣṇavarṇam ‘anyat’ ekamaharbhavati rātrākhyam | itthaṃ ‘viṣu rūpe’ śukla-kṛṣṇatayā nānārūpe ‘ahanī’ tava mahimnā niṣpadyete | yadvā | he pūṣan ! tvadīyamanyadrūpaṃ ‘śukraṃ’ nirmalaṃ divasasyotpādakam, tvadīyamanyadekaṃ rūpaṃ ‘yajataṃ’ kevalaṃ yajanīyaṃ na prakāśakaṃ rātrerūtpādakam | ataeva ‘viṣu rūpe’ viṣama-rūpe ‘ahanī’ ahaśca rātriśca bhavataḥ | ahorātrayornirmāṇa sūryyaeva karttā |