Pramāṇa · Search · About · API

Samaveda 20.1-2

Sāmavedabhāṣya (Vedārthaprakāśa) 20.1-2

Language
Sanskrit

20.1

atha ekādaśe khaṇḍe—seyaṃ prathamā | śunaḥ śepa ṛṣiḥ | vājayanataḥ annamicchanto vayaṃ śunaḥśepāḥ he ṛtvigyajamānāḥ ! vaḥ yuṣmākaṃ sambandhinam indram indubhiḥ somaḥ āsiñce vacanavyatyayaḥ ( 3, 1, 85 pā0) sarvataḥ siñcāmahe saparyyāmaḥ | kīdṛśaṃ ? śatakratuṃ śatasaṃkhyākakarmopetam maṃhiṣṭham atiśayena mahāntam | secane dṛṣṭāntaḥ kṛ̱viṃ yathā kṛtīcchedane, kṛtyate chidyate khanyate iti kṛviḥ kṛṣiḥ tāṃ jalena pūrayanti tadvat |

20.2

atha dvitīyā | śrutakakṣa ṛṣiḥ | he indra ! ataścit asmāt dyulokādeva yadvā asmācchatrusthānāt śatavājayāḥ śatasaṃkhyākabalayuktena tathā sahasravājayā vājo'nnam ( ni0 2, 7) sahasrasaṃkhyākānnavatā bahulānnena iṣā annarasena yuktaḥ san naḥ asmān upāyāhi adhikamābhimukhyenāgaccha |

Linked texts (1)