Samaveda 57.37

57.37

IV abhīvarttaḥ | V naudhasam |
he ṛtvigyajamānāḥ ! “dakṣaṃ” darśanīyam(1) “ṛtīṣaham” ṛtayo bādhakāḥ śatravaḥ teṣā mabhibhavitāraṃ(2)| punaḥ kīdṛśaṃ ? “vasoḥ” vāsayiturduḥkhasya vivāsayituḥ (yadvā, vasoḥ pātraṃ prati vasata:(3), tādṛśasya “andhasaḥ” soma-lakṣaṇasyānnasya(4) pānena “mandānaṃ” modamānaṃ “vaḥ” yaṣṭavyatvena yuṣmatsambandhinaṃ taṃ tādṛśamindra gīrbhiḥ stuti-lakṣaṇābhi rvāgbhiḥ “abhi navāmahe” (ṇu stavane, nu śabde) abhiṣṭumaḥ| kutra ? “khasareṣu” || [atra yāskaḥ (5,4)—“khasarāṇyahāni bhavanti svayaṃ sārīṇyapi vā kharādityo bhavati sa enāni sārayatīti sūryya-netṛkeṣu divaseṣu(5) vaya mabhiṣṭumaḥ abhitaḥ śabdayāmaḥ] tatra dṛṣṭāntaḥ— “vatsaṃ na” yathā dhenavo nava-prasūtā gāvaḥ khasareṣu (suṣṭhu asyante preryyante gāvo'treti khasarāṇi goṣṭhāni teṣu) vatsa mabhilakṣya śabdayanti tadvat|