Samaveda 59.5
Sāmavedārthaprakāśa 59.5
- Language
- Sanskrit
59.5
he ṛtvijaḥ ! “vaḥ” yūyaṃ “tarobhiḥ” vegavadbhiraśvairupetaṃ vegaireva vā(1) “vidadvasuṃ” vedayadvasuṃ dhana-vedakam “indraṃ” “savādhaḥ” vādhā-sahitāḥ (2) “ūtaye” rakṣaṇāya “bṛhat” sāmaitatsañjñakaṃ “gāyata:” santaḥ paricarateti śeṣaḥ | kutretyucyate ? “sutasome” abhiṣuta-somake “adhvare” yajñe soma-yāge | ahaṃ ca tadarthaṃ “huve” āhvayāmi | kamiva ? “bharaṃ na” bharttāraṃ kuṭumba-poṣakaṃ “kāriṇaṃ” sva-hita-karaṇa-śīlaṃ yathā, sva-hita-karaṇāyāhvayanti putrādayaḥ, tadvat(2) tathābhūtamahandraṃ huve iti |
5