Samaveda 60.10
Sāmavedārthaprakāśa 60.10
- Language
- Sanskrit
60.10
he “sakhāyaḥ” samānakhyānāḥ stotāraḥ (1) ! indra-stotrād “anyat” stotraṃ “mā cidviśaṃsata” maivoccārayata | “mā riṣakhyata” mā hiṃsitāro bhavata | anyadīya-stotroccāraṇena vṛthopakṣoṇā mā bhavata | “sute” abhiṣute some “vṛṣaṇaṃ” kāmānāṃ varṣitāram “indramit” indrameva he prastotrādayaḥ ! “sacā” saha saṅgībhūya “stota” stūta | “ukthā ca” ukthāni śastrāṇi cendra-viṣayāṇi yūyaṃ “muhuḥ” punaḥ punaḥ “śaṃsata” uccārayata |
10 iti śrīsāyaṇācārya-viracite mādhavīye sāmavedārthaprakāśe chandovyākhyāne dvitīyādhyāyasya prathamaḥ khaṇḍaḥ ||