Samaveda 67.2-2

67.2

he “śakra” śatru-hanana-samarthendra ! “yadi” yadā “parāvati” viprakṛṣṭe dūre dyuloka-deśe “asi” vidyase | he “vṛtrahan” vṛttasya hantarindra ! “yad” yadi vā “arvāvati” arvācīne tasmādadhastāt sthite tadapekṣayā samīpe deśe'ntarikṣe bhavasi tasmādapi | “ataḥ” asmādbhūlokādvā he “indra” ! “dyugat”(1) (gamlṛ, saṃṣṭra, gatau | kvipi “gamaḥ kvau” viti anunāsika-lopaḥ | tuk | “supāṃ sulugiti” bhiso luk | dyulokaṃ prati gacchadbhiḥ svabhāsāsarvatogacchadbhiḥ “keśibhiḥ” keśavadbhiḥ haribhirivasthitābhiḥ “gīrbhiḥ” “tvā” tvāṃ “sutavān” abhiṣuta-soma-vān yajamānaḥ “āvivāsati” ātmīyaṃ yajña prati āgamayati | tvāmetaiḥ stotraiḥ paricarati vā (9) |
32