Samaveda 68.25
Sāmavedārthaprakāśa 68.25
- Language
- Sanskrit
68.25
he “indra” ! “te” tava pratimānārthaṃ “yad” yadi “dyāvaḥ” dyulokāḥ “śataṃ” śata-saṅkhyākāḥ syuḥ tathāpi nāpnuvanti(1) | “uta” apica “bhūmī” bhūmyaḥ tava mūrtti-pratibimbāya śataṃ syuḥ tathāpi nāpnuvanti | he “vajrin” ! “tvā” tvāṃ “sahasram” agaṇitā api sūryyāḥ nānubhavanti na prakāśayantītyarthaḥ (na tatra sūryyo bhātīti śruteḥ) kiṃ bahunā “jātam” pūrvamutpannaṃ kiñcidanu “na aṣṭa”(2) nāśnute | tathā “rodasī” dyāvāpṛthivyau nāśnuvāte tvaṃ sarvebhyo'tiricyata ityarthaḥ (“jyāyān pṛthivyā jyāyānantarikṣājjyāyāndivojyāyānebhyolokebhyaḥ”-iti śruteḥ |
6 || 46