Samaveda 68.27
Sāmavedārthaprakāśa 68.27
- Language
- Sanskrit
68.27
syānudāttasya svaritatvam| evaṃ bhūtaiḥ “nṛbhiḥ” stotṛbhistvaṃ “hvayase” sva-sva-kāryāyāhvayase (“isma śreṣṭha isminniti vai śreṣṭhamācakṣat-iti” vājasaneyakam) | yadyapyevaṃ bahubhirāhvayase tathāpi “ānave” anu-nāma-rājā(1) tasya putre rājarṣau “puru” bahulaṃ “nṛṣūtaḥ” nṛbhistadīyaiḥ stotṛbhiḥ preritaḥ “asi” bhavasi | rājño hita-karaṇe tvāṃ stotāraḥ prerayantītyarthaḥ (ṣū preraṇe | asmātkarmaṇi niṣṭhā | tṛtīyā karmaṇīti pūrvapadaprakṛtisvaratvam |) api he “praśardha !” prakarṣeṇa śardhayitarabhibhavitarindra ! “turvaśe” etatsañjñe ca rājani “nṛṣūtaḥ” nṛbhiḥ prerito bhavasi |