[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Samavidhi](https://indike.org/pramana/in.veda.brahmana.samavidhi) › 2 # Samavidhi 2 Sāmavidhi 2 - **Language:** Sanskrit ### [2.1](https://indike.org/pramana/in.veda.brahmana.samavidhi.2.1) iti prathamo'nuvākaḥ 1. athātastrīn kṛcchrān vyākhyāsyāmaḥ ### [2.2](https://indike.org/pramana/in.veda.brahmana.samavidhi.2.2) 2. haviṣyān prātarāśān bhuktvā tisro rātrīrnāśnīyāt 3. athāparaṃ tryahaṃ naktaṃ bhuñjīta 4. athāparaṃ tryahaṃ na kaṃcana yācet 5. athāparaṃ tryahamupavaset 6. tiṣṭhedahani rātrāvāsīta kṣiprakāmaḥ 7. satyaṃ vadet | anāryairna saṃbhāṣeta rauravayaudhājaye nityaṃ prayuñjīta | anusavanamudakopasparśanamāpohiṣṭhīyābhiḥ athodakatarpaṇam | namo'hamāya mohamāya maṃhamāya dhūnavate tāpasāya punarvasave namo namaḥ | mauñjyāyaurmyāya saumyāya śamyāya śivāya namo namaḥ | pārāya supārāya mahāpārāya pāradāya pāravindāya namo namaḥ | puruṣāya supuruṣāya mahāpuruṣāya madhyamapuruṣāyottamapuruṣāya brahmacāriṇe namo namaḥ | iti | etadevādyityopasthānam | etā evājyāhutayaḥ | dvādaśarātrasyānte sthālīpāka śrapayitvaitābhyo devatābhyo juhuyāt | agnaye svāhā | somāya svāhā agnīṣomābhyāmindrāgnibhyāmindrāya viśvebhyo devebhyo brahmaṇe prajāpataye'gnaye sviṣṭakṛta iti | atho brāhmaṇatarpaṇam ### [2.3](https://indike.org/pramana/in.veda.brahmana.samavidhi.2.3) 8. etenaivātikṛcchro vyākhyātaḥ 9. yāvat sakṛdādadīta tāvadaśnīyāt ### [2.4](https://indike.org/pramana/in.veda.brahmana.samavidhi.2.4) 10. abbhakṣastṛtīyaḥ sa kṛcchrātikṛcchraḥ ### [2.5](https://indike.org/pramana/in.veda.brahmana.samavidhi.2.5) 11. prathamaṃ caritvā śuciḥ pūtaḥ karmaṇyo bhavati | dvitīyaṃ caritvā yatkiṃcidanyanmahāpātakebhyaḥ pāpaṃ kurute tasmāt pramucyate | tṛtīyaṃ caritvā sarvasmādenaso mucyate ### [2.6](https://indike.org/pramana/in.veda.brahmana.samavidhi.2.6) 12. athaitām̐strīn kṛcchrām̐ścaritvā sarveṣu vedeṣu snāto bhavati | sarveṣu deveṣu jñāto bhavati | yaścaivaṃ veda yaścaivaṃ veda ## Linked texts (2) - [Sāmavidhānabrāhmaṇa](https://indike.org/pramana/in.veda.brahmana.samavidhana.p23) — Sanskrit - [Sāmavedasya Brāhmaṇānyaṣṭau](https://indike.org/pramana/in.veda.brahmana.samavedasyabrahmananyastau.2.2) — Sanskrit --- Source: [https://indike.org/pramana/in.veda.brahmana.samavidhi.2](https://indike.org/pramana/in.veda.brahmana.samavidhi.2) · Pramāṇa