[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Samavidhi](https://indike.org/pramana/in.veda.brahmana.samavidhi) › 7 # Samavidhi 7 Sāmavidhi 7 - **Language:** Sanskrit ### [7.1](https://indike.org/pramana/in.veda.brahmana.samavidhi.7.1) 1 prathamo'nuvākaḥ dvitīyaḥ khaṇḍaḥ 1. atha yasyā jātāni pramīyeran nyagrodhaśuṅgā śaramūlaṃ cotthāpya tadahastrivṛtaṃ kārayenma̱ṇima̱bhi pratiṣṭhāpyāvṛtā hutvā maṇiṃ nidhāyābodhyagnirityetenābhijuhuyāt sahasrakṛtvaḥ śatāvaraṃ tṛtīye garbhamāsi | nidadhyād ājyaśeṣam mekhalāyāṃ maṇiṃ dhārayet | pumām̐sam̐ ha janayati | jātasya kaṇṭhe'vasajet | kumāramājyaśeṣaṃ prāśayet | sarvāṇi srotām̐si tarpayet | abhyañjītāharahastata ūrdhvam | upayukte punaḥ prayogaḥ | śataṃ varṣāṇi jīvati | jarayaiva visraṃsate 2. atha yo rakṣasā gṛhītaḥ syādaśanihatasya vṛkṣasyedhmaḥ, śuklāyā goḥ sarūpavatsāyā anyasyā vājyaṃ, bailvaṃ maṇimutthāpya tadahastrivṛtaṃ kārayenmaṇim | agniṃ pratiṣṭhāpyāvṛtā hutvā maṇiṃ nidhāyendra tridhātuśaraṇamityetenābhijuhuyāt sahasrakṛtvaḥ śaṇāvaram | taṃ maṇiṃ kaṇṭhena śirasā vā dhārayan mucyate rakṣasā | yadvā u viśrpatiriti caitat sadā prayuñjīta | svasti hāsya bhavati ### [7.2](https://indike.org/pramana/in.veda.brahmana.samavidhi.7.2) 3 āmayāvī kaumbhyaṃ ghṛtaṃ viśvāḥ pṛtanā abhibhūtaṃ nara ityetenābhijuhuyāt sahasrakṛtvaḥ śaṇāvaram jīveti cāsya nidhanaṃ kuryādetenaiva sadā prāśnīyāt | mucyate āmayāvī | āno mitrāvaruṇeti caitat sadā prayuñjīta svasti hāsya bhavati svasti hāsya bhavati ### [7.2-2](https://indike.org/pramana/in.veda.brahmana.samavidhi.7.2-2) 2 dvitīyo'nuvākaḥ 1. atha yadasya rujecchanno devīrahasyena ghṛtamabhigīyābhyañjyācchāmyati ha 2. dvikādyena vodakaṃ pāyayecchītābhiradbhirabhiṣecayetsoma ॰ rājāna ॰ (grāma. 3.10.91.1) sanādagne' (grāma. 3.8.80.1) gni ॰ hotāram (grāma. 12.12.465.1-2) ityetāni cainamabhiśrāvayecchāmyati ha 3. śaṅkhapuṣpī sarpasugandhāṃ cotthāpya tadahastrivṛtaṃ kārayenmaṇimagniṃ pratiṣṭhāpyāvṛtā hutvā maṇiṃ nidhāya carṣaṇīdhṛtam (ā. gā. 2. 5. 33. 1-3) iti vargeṇābhijuhuyāt sahasrakṛtvaḥ śatāvarām | taṃ maṇiṃ kaṇṭhena śirasā vā dhārayato na sarpabhayaṃ bhavati | kayānāyāṃ ca sarpasāma (ā. gā. 2. 7. 56. 1) sadā prayuñjīta | svasti hāsya bhavati ### [7.3](https://indike.org/pramana/in.veda.brahmana.samavidhi.7.3) 4. śvetapuṣpāṃ bṛhatīmutthāpya tadahastrivṛtaṃ kārayenmaṇimagniṃ pratiṣṭhāpyāvṛtā hutvā maṇiṃ nidhāya moṣu tvā vāghataśca na (grāma. 7. 6. 284. 1) ityetenābhijuhuyāt sahasrakṛtvaḥ śatāvarām | taṃ maṇiṃ kaṇṭhena śirasā vā dhārayato na śastrabhayaṃ bhavati | yata indra bhayāmahe (grāma. 7. 5. 274. 1) iti caitat sadā prayuñjīta | svasti hāsya bhavati ### [7.4](https://indike.org/pramana/in.veda.brahmana.samavidhi.7.4) 5. śvetapuṣpamarkamutthāpya tadahastrivṛtaṃ kārayenmaṇimagniṃ pratiṣṭhāpyāvṛtā hutvā maṇiṃ nidhāya svāśirārmakeṇā(ā. gā. 1.3.16.1) bhijuhuyāt sahasrakṛtvaḥ śātāvaraṃstaṃ maṇiṃ kaṇṭhena śirasā vā dhārayan bahvanno bhavati 6. dīrghatamaso'rko'-(ā. gā. 1-3 17.1) rkaśiro'(ā. gā. 1.3.22.1) rkagrīvā (ā. gā. arkaparva. 39) iti caitāni prayuñjānaḥ sarvatrānnaṃ labhate 7. samanyā yantīnidhanaṃ prayuñjāno na pipāsayā mriyate ### [7.7](https://indike.org/pramana/in.veda.brahmana.samavidhi.7.7) 8. iṣṭāhotrīyaṃ (grāma. 4.4.151.1) prayuñjāno nāpsu mriyate ### [7.6](https://indike.org/pramana/in.veda.brahmana.samavidhi.7.6) 9. acodasa iti tṛtīyaṃ (grāma. 16.9.555.3) prayuñjīta nainaṃ yakṣmā gṛhṇāti ### [7.7-2](https://indike.org/pramana/in.veda.brahmana.samavidhi.7.7-2) 10. tvamimā oṣadhīr (ā. gā. 4.1.98.1) ityetatsadā prayuñjāno na gareṇa mriyate 11. saṃ te payāṃsīti pūrveṇa prathamaṃ grāsaṃ graseduttareṇa nigired viṣamapyasyānnaṃ bhavati | naina1 him̐ sati | nainam̐ him̐sati ## Linked texts (2) - [Sāmavedasya Brāhmaṇānyaṣṭau](https://indike.org/pramana/in.veda.brahmana.samavedasyabrahmananyastau.8.1) — Sanskrit - [Sāmavidhānabrāhmaṇa](https://indike.org/pramana/in.veda.brahmana.samavidhana.p133) — Sanskrit --- Source: [https://indike.org/pramana/in.veda.brahmana.samavidhi.7](https://indike.org/pramana/in.veda.brahmana.samavidhi.7) · Pramāṇa