Shatapatha 7

Śatapatha 7

Language: Sanskrit

7.1

atha
dvitīyaprapāṭhake prathamaṃ brāhmaṇam,
athavā
dvitīye'dhyāye dvitīyaṃ brāhmaṇam
hariḥ oṃ
bārhaspatyena caruṇā pracarati | tasyāniṣṭa
eva sviṣṭakṛdbhavatyathāsmā 'nnam̐ sambharatyannaṃ vā
'eṣa ujja̍yati̱ yo vājapeyena yaja̍te 'nnapeyam̐
ha vai nāmaitadyadvājapeyaṃ tadyadvaivaitadanna mudajaiṣīttade̱vāsmā 'etat sambharati

7.2

audumbare pātre † | annaṃ vā 'ūrġudumbara
ūrjo 'nnādyasyāvaruddhyai tasmādaudumbare pātre so'pa eva prathamāḥ sambharatyatha payo 'tha yathopasmāra
mannāni

7.3

tadvaike | saptadaśānnāni sambharanti saptadaśaḥ
prajāpatiriti vvadantastadu tathā na kuryāt prajāpaterheva sarvva manna manavaruddhaṃ ka u tasmai manuṣyo
yaḥ sarvvaṃ manna mavarundhīta † tasmāt sarvva
mevānnaṃ yathopasmāra sambharanneka mannaṃ na sambharet

7.4

sa yanna sambharati | tannodbruvīta tasya
nāśnīyādyāvajjīvaṃ tathā nānta meti tathā jyokjīvati sa etasya sarvvasyānnādyasya sambhṛtasya suveṇopaghātaṃ vājaprasavīyāni juhoti tadyābhya evaitaddevatābhyo juhoti tā asmai prasuvanti tābhiḥ
prasūta ujjagati tasmādvājaprasavīyāni juhoti

7.5

sa juhoti | vājasyemaṃ prasavaḥ suṣuve 'gre
soma rājā na moṣadhīṣvasu ‡ tā asmabhyaṃ madhumatī rbhavantu vyaya rāṣṭre jāgṛyāma purohitāḥ
svāhā

7.6

vāja̱syemām | pra̱savaḥ śi̍śriye diva̱ mimā̍
ca̱ viśvā̱ bhuva̍nāni sa̱mrāṭ | a̱ditsanta̍ṃ
dāpayati prajāna̱ntsa no̍ ra̱yim̐ sa̍rvavīra̱ṃ niyacchatu̱ svāhā̍

7.7

vāja̍sya nu | pra̱save āba̍bhūve̱mā ca̱ viśvā̱
bhuva̍nāni sa̱rvata̍ḥ | sane̍mi̱ rājā̱ pari̍yāti
vi̱dvān pra̱jāṃ puṣṭi̍ṃ varddhayamāno̱ 'a̱sme
svāhā̍

7.8

somam̐̍ rājā̍nam | ava̍se 'gni manvāra̍bhāmahe | ā̱di̱tyānviṣṇum̐̍ sūrya̍ṃ bra̱hmāṇa̍ṃ ca̱ bṛha̱spatim̐̍ svāhā̍

7.6-2

a̱rya̱maṇa̱ṃ bṛha̱spati̍m | indra̍ṃ dā̱nāya̍ codaya | vācaṃ viṣṇum̐̍ sara̍svatīm̐ savi̱tāra̍ṃ
ca vā̱jinam̐̍ svāhā̍

7.10

agne̱ 'acchā̍ | vade̱ha na̱ḥ prati̍ naḥ sumanā̍ bhava | pra no̍ yaccha † sa̱hasra̍jittvam̐ hi
dhana̱dā a̍si̱ svāhā̍

7.11

pra na̍ḥ | yaccha̱tvarya̍mā pra pū̱ṣā pra bṛha̱spati̍ḥ
pra vā̱gdevī̍ dadātu naḥ svāheti̱

7.12

athainaṃ pariśiṣṭenābhiṣiñcati | annādyenaivaina metadabhiṣiñcatyannādya me̱vāsminneta̱d dadhāti
tasmādenaṃ pariśiṣṭenābhiṣiñcati †

7.13

so 'bhiṣiñcati | de̱vasya̍ tvā savi̱tuḥ prasa̱ve 'śvino̱rbāhubhyā̍ṃ pū̱ṣṇo hastābhyā̱ miti
daivahastairevaina metadabhiṣiñcati sara̍svatyai vāco
ya̱nturya̱ntriye ‡ dadhāmīti vāgvai sara̍svatī tadenaṃ
vāca e̱va yanturyantriye dadhāti

7.14

tadu haika 'āhuḥ | viśveṣāṃ tvā devānāṃ
ya̱nturya̱ntriye dadhāmīti savvaṃ vai viśve devāstadenaṃ sarvvasyaiva yanturyyantriye dadhāti tadu tathā
na brūyātsarasvatyai tvā vāco yanturyyantriye dadhāmītyeva brūyādvāgvai sarasvatī tadenaṃ vāca e̱va
yanturyantriye dadhāti bṛhaspateṣtvā sāmrājyenābhiṣiñcāmyasāviti nāma gṛhṇāti tad bṛhaspaterevaina metatsāyanyatāṃ gamayati

7.15

athāha | samrāḍya masau samrāḍya masāviti
nivedita mevaina metat santaṃ devebhyo nivedayatyayaṃ
mahāvīryo yo 'bhyaṣecītyayaṃ yuṣmākaiko 'bhūttaṃ
gopāyatetyevaitadāha triṣkṛtva āha trivṛddhi
yajñaḥ

7.16

athojjatīḥ | juhoti vā vācayati vā
yadi juhoti yadi vācayati samāna eva
bandhuḥ

7.17

sa vācayati | agniraikākṣareṇa prāṇa mudajayatta mujjeṣaṃ prajāpatiḥ saptadaśākṣareṇa saptadaśam̐ stoma mudajayatta mujjeṣa miti tadyadvaitābhiretā devatā udajayaṃstadvaiṣa etābhirujjayati saptadaśa bhavanti saptadaśo vai prajāpatistat prajāpati mujjayati †

7.18

athāhānnaye sviṣṭakṛte 'nubrūhīti | tadyada̱ntarèṇāhutī 'etat karma kriyata 'eṣa vai prajāpatirya̍ 'eṣa ya̱jñastāya̍te ya̱smādi̱māḥ prajāḥ
pra̱jātā eta̱ntvevā̱pyeta̱rhyanu pra̱jāyante tanmadhyata
e̱vaitat prajāpa̍ti muñjayati tasmāda̱ntareṇāhutī
'etat karma kriyata 'āśrāvyāhā̱gnim̐ sviṣṭakṛtaṃ
yaje̍ti vaṣaṭkṛte juhoti

Linked texts (2)

Mādhyandina — Sanskrit
Kāṇvīya Śatapathabrāhmaṇa — Sanskrit