Taittiriyabrahmana 1.3.9
Taittirīyabrāhmaṇa 1.3.9
- Language
- Sanskrit
1.3.9.1
nṛṣádaṃ tvā_íty āha /
prajā́ vái nṛ́̄n /
prajā́nām eváiténa sūyate /druṣádam íty āha /
vánasapátayo vái drú /
vánaspátīnām eváiténa sūyate /
bhuvanasádam íty āha /
yadā́ vái vásīyān bhávati /
bhúvanam agann íti vái tám āhuḥ /
bhúvanam eváiténa gacchati //
1.3.9.2
apsuṣádaṃ tvā ghṛ́tasádam íty āha /
apā́m eváiténa ghṛtásya sūyate /
vyomasádam íty āha /
yadā́ vái vásīyān bhávati /
vyòma_agann íti vái tám āhuḥ /
vyòmaiváiténa gacchati /
pṛthiviṣádaṃ tvā_antarikṣasádam íty āha /
eṣā́m eváiténa lokā́nām̐ sūyate /
tásmād vājapeyayājī́ ná káṃ caná pratyávarohati /
ápi_iva hí devátānām̐ sūyáte //
nākasádam íty āha /
yadā́ vái vásīyān bhávati /
nā́kam agann íti váitám āhuḥ /
nā́kam eváiténa gacchati /
yé gráhāḥ pañcajanī́nā íty āha /
pañcajanā́nām eváiténa sūyate /
apā́m̐ rásam úd vayasam íty āha /
apā́m eváiténa rásasya sūyate /
sū́ryaraśmim̐ samā́bhṛtam íty āha saśukratvā́ya //
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- A Vedic Concordance — Maurice Bloomfield, English
- Vedic Index of Names and Subjects — Arthur A. Macdonell & A. Berriedale Keith, English