Taittiriyabrahmana 1.5.4
Taittirīyabrāhmaṇa 1.5.4
- Language
- Sanskrit
1.5.4.1
brahmavādíno vadanti /
káti pā́trāṇi yajñáṃ vahanti_íti /
tráyodaśa_íti /
brūyāt /
sá yád brūyā́t /
kás tā́ni níramimī́ta_íti /
prajā́patir íti brūyāt /
sá yád brūyā́t /
kútas tā́ni níramimīta_íti /
ātmána íti /
prāṇāpānā́bhyām evá_upām̐śvantaryāmáu níramimīta //
1.5.4.2
vyānā́d upām̐śusávanam /
vācá aindravāyavám /
dakṣakratúbhyāṃ maitrāvaruṇám /
śrótrād āśvinám /
cákṣuṣaḥ śukrā́manthínau /
ātmána āgrayaṇám /
áṅgebhya ukthyàm /
ā́yuṣo dhruvám /
pratiṣṭhā́yā ṛtupātré /
yajñáṃ vā́vá táṃ prajā́patir níramimīta /
sá nírmito ná_ādhriyata sámavlīyata /
sá etā́n prajā́patir apivāpā́n apaśyat /
tā́n níravapat /
táir vái sá yajñám ápyavapat /
yád apivāpā́ bhávanti /
yajñásya dhṛ́tyā ásaṃvlayāya //
Commentaries (5)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit