[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Taittiriyabrahmana](https://indike.org/pramana/in.veda.brahmana.taittiriya) › 1.6.5 # Taittiriyabrahmana 1.6.5 Taittirīyabrāhmaṇa 1.6.5 - **Language:** Sanskrit ### [1.6.5.1](https://indike.org/pramana/in.veda.brahmana.taittiriya.1.6.5.1) úttarasyāṃ védyām anyā́ni havī́m̐ṣi sādayati / dákṣiṇāyāṃ mārutī́m / apadhurám eváināṃ yunakti / átho ója evā́sām ávaharati / tásmād bráhmaṇaś ca kṣattrā́c ca víśo 'nyato 'pakramíṇīḥ / mārutyā́ pū́rvayā prácarati / ánṛtam evā́\_avayajate / vāruṇyā\_úttarayā / antatá evá váruṇam ávayajate / yád evá\_adhvaryúḥ karóti // ### [1.6.5.2](https://indike.org/pramana/in.veda.brahmana.taittiriya.1.6.5.2) tát pratiprasthātā́ karoti / tásmād yát\_ śréyān karóti / tát pā́pīyān karoti / pátnīṃ vācayati / médhyām eváināṃ karoti / átho tápa eváinām úpanayati / yát\_ jārám̐ sántaṃ ná prabrūyāt / priyáṃ jñātím̐ rundhyāt / asáu me jārá íti nírdiśet / nirdíśya\_eváinaṃ varuṇapāśéna grāhayati // ### [1.6.5.3](https://indike.org/pramana/in.veda.brahmana.taittiriya.1.6.5.3) praghāsyā́n havāmaha íti pátnīm udā́nayati / áhūtā\_eváinām / yát pátnī puronuvākyā̀m anubrūyā́t / nírvīryo yájamānaḥ syāt / yájamāno 'nvāha / ātmánn evá vīryàṃ dhatte / ubháu yājyā̀m̐ savīryatvā́ya / yád grā́me yád áraṇya íty āha / yathā\_uditám evá váruṇam ávayajate / yajamānadevatyò vā́ āhavanī́yaḥ // ### [1.6.5.4](https://indike.org/pramana/in.veda.brahmana.taittiriya.1.6.5.4) bhrātṛvyadevatyò dákṣiṇaḥ / yád āhavanī́ye juhuyā́t / yájamānaṃ varuṇapāśéna grāhayet / dákṣiṇe 'gnau juhoti / bhrā́tṛvyam evá varuṇapāśéna grāhayati / śū́rpeṇa juhoti / ányam evá váruṇam ávayajate / śīrṣánn adhinidhā́ya juhoti / śīrṣatá evá váruṇam ávayajate / pratyáṅ tiṣṭhan\_juhoti // catuṣkoṇagatā kaṇḍikā\_iyaṃ pradapātabhrameṇa daṇḍapātabhrameṇa vā\_aṣṭapadā jātā ### [1.6.5.5](https://indike.org/pramana/in.veda.brahmana.taittiriya.1.6.5.5) pratyáṅṅ evá varuṇapāśā́n nirmucyate / ákran kárma karmakṛ́ta íty āha / devā́n ṛṇáṃ niravadā́ya / anṛṇā gṛhā́n úpapréta\_íti vā́va\_étád āha / váruṇagṛhītaṃ vā́ etád yajñásya / yád yájuṣā gṛhītásya\_atirícyate / túṣāś ca niṣkāsáś ca / túṣaiś ca niṣkāséna ca\_avabhṛthám ávaiti / váruṇagṛhītena\_evá váruṇam ávayajate / apò 'vabhṛthám ávaiti // ### [1.6.5.6](https://indike.org/pramana/in.veda.brahmana.taittiriya.1.6.5.6) apsú vái váruṇaḥ / sākṣā́d evá váruṇam ávayajate / prátiyuto váruṇasya pā́śa íty āha / varuṇapāśā́d evá nírmucyate / ápratīkṣam ā́yanti / váruṇasya\_antárhityai / édho 'sya\_idhiṣīmáhi\_íty āha / samídhā\_evá\_agníṃ namasyánta upā́yanti / téjo 'si téjo máyi dhehi\_íty āha / téja evá\_ātmán dhatte // ## Commentaries (4) - [Jñānayajña on the Taittirīya Brāhmaṇa (Bhaṭṭabhāskara)](https://indike.org/pramana/in.veda.brahmana.taittiriya!bhattabhaskara.29.4) — Bhaṭṭabhāskara Miśra, Sanskrit - [Taittirīyabrāhmaṇabhāṣya (Sāyaṇa)](https://indike.org/pramana/in.veda.brahmana.taittiriya!sayana) — Sāyaṇa, Sanskrit - [Taittirīyabrāhmaṇaṭīkā](https://indike.org/pramana/in.veda.brahmana.taittiriya!taittiriyabrahmanatika) — Sanskrit - [Taittirīyabrāhmaṇakāṭhakabhāṣya](https://indike.org/pramana/in.veda.brahmana.taittiriya!bhatta-bhaskara-misra-cikaedamandana) — Bhaṭṭa Bhāskara Miśra Cikāeḍamaṇḍana, Sanskrit ## Linked texts (5) - [The Inner Conflict of Tradition: Essays in Indian Ritual, Kingship, and Society](https://indike.org/pramana/ins.polity.heesterman-1985.c19.s10.35) — J. C. Heesterman, English - [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s21.239) — Arthur A. Macdonell & A. Berriedale Keith, English - [A Vedic Concordance](https://indike.org/pramana/ins.reference.bloomfield-1906.c6.6136) — Maurice Bloomfield, English - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v5.c71.s1.141) — P. V. Kane, English - [The Religion and Philosophy of the Veda and Upanishads](https://indike.org/pramana/ins.religion.keith-1925.v2.c39.s4.50) — Arthur Berriedale Keith, English --- Source: [https://indike.org/pramana/in.veda.brahmana.taittiriya.1.6.5](https://indike.org/pramana/in.veda.brahmana.taittiriya.1.6.5) · Pramāṇa