Taittiriyabrahmana 1.8.7
Taittirīyabrāhmaṇa 1.8.7
- Language
- Sanskrit
1.8.7.1
agniṣṭomám ágra ā́harati /
yajñamukháṃ vā́ agniṣṭomáḥ /
yajñamukhám evá_ā́rabhya savám ā́kramate /
átha_eṣò 'bhiṣecanī́yaś catustriṃśáḥ pavamāno bhavati /
tráyastrim̐śad vái devátāḥ /
tā́ evá_āpnoti /
prajā́patiś catustrim̐śáḥ /
tám evá_āpnoti /
sam̐śará eṣá stómānām áyathāpūrvam /
yád víṣamāḥ stómāḥ //
1.8.7.2
etā́vān vái yajñáḥ /
yā́vān pávamānāḥ /
antaḥśléṣaṇaṃ tvā́ anyát /
yát samā́ḥ pávamānāḥ /
téna_ásam̐śaraḥ /
téna yathāpūrvám /
ātmánā_evá_agniṣṭoména_ṛdhnóti /
ātmánā púṇyo bhavati /
prajā́ vā́ ukthā́ni /
paśáva ukthā́ni /
yád ukthyò bhávaty ánusáṃtatyai //
Commentaries (5)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit
Discussed in (1)
- Vedic Index of Names and Subjects — Macdonell & Keith 1912, English