Taittiriyabrahmana 1.8.8
Taittirīyabrāhmaṇa 1.8.8
- Language
- Sanskrit
1.8.8.1
úpa tvā jāmáyo gíra íti pratipád bhavati /
vā́g vái vāyúḥ /
vācá eváiṣo 'bhiṣekáḥ /
sárvāsām evá prajā́nām̐ sūyate /
sárvā enaṃ prajā́ rā́jā_íti vadanti /
etám u tyáṃ dáśakṣípa íty āha /
ādityā́ vái prajā́ḥ /
prajā́nām eváiténa sūyate /
yánti vā́ eté yajñamukhā́t /
yé sambhāryā̀ akran //
1.8.8.2
yád ā́ha pávasva vācó agriya íti /
ténaivá yajñamukhā́n ná yanti /
anuṣṭúk prathamā́ bhavati /
anuṣṭúg uttamā́ /
vā́g vā́ anuṣṭúk /
vācā́_evá prayánti /
vācā́_udyanti /
údvatīr bhavanti /
údvad vā́ anuṣṭúbho rūpám /
ā́nuṣṭubho rājanyàḥ //
1.8.8.3
tásmād údvatīr bhavanti /
saury ànuṣṭúg uttamā́ bhavati /
suvargásya lokásya sáṃtatyai /
yó vái savā́d éti /
ná_enam̐ savá úpanamati /
yáḥ sā́mabhya éti /
pā́pīyān suṣuvāṇó bhavati /
etā́ni khálu vái sā́māni /
yát pṛṣṭhā́ni /
yát pṛṣṭhā́ni bhávanti //
1.8.8.4
táir evá savā́n ná_eti /
yā́ni devarājā́nām̐ sā́māni /
táir amúṣmim̐l loká ṛdhnoti /
yā́ni manuṣyarājā́nām̐ sā́māni /
táir asmim̐l loká ṛdhnoti /
ubháyor evá lokáyor ṛdhnoti /
devaloké ca manuṣyaloké ca /
ekavim̐śò 'bhiṣecanī́yasya_uttamó bhavati /
ekavim̐śáḥ keśavapanī́yasya prathamáḥ /
saptadaśó daśapéyaḥ //
1.8.8.5
víḍ vā́ ekavim̐śáḥ /
rāṣṭrám̐ saptadaśáḥ /
víśa eváitán madhyatò 'bhíṣicyate /
tásmād vā́ eṣá viśā́ṃ priyáḥ /
viśó hí madhyatò 'bhiṣicyáte /
yád vā́ enam adó díśó 'nu vyāsthāpáyanti /
tát suvargáṃ lokám abhyā́rohati /
yád imáṃ lokáṃ ná pratyavaróhet /
atijanáṃ vā_iyā́t /
úd vā mādyet /
yád eṣá pratīcī́nastomo bhávati /
imám evá téna lokáṃ pratyávarohati /
átho asmínn evá loké prátitiṣṭhaty ánunmādāya //
Commentaries (5)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit
Linked texts (2)
- Pañcaviṃśabrāhmaṇa — Sanskrit
- Sāmavedabrāhmaṇānyaṣṭau — Sanskrit
Discussed in (2)
- Original Sanskrit Texts on the Origin and History of the People of India, their Religion and Institutions — Muir 1858, English
- A Vedic Concordance — Bloomfield 1906, English