Taittiriyabrahmana 2.1.1
Taittirīyabrāhmaṇa 2.1.1
- Language
- Sanskrit
2.1.1.1
áṅgiraso vái sattrám āsata /
téṣāṃ pṛ́śnir gharmadhúg āsīt /
sā́_ṛjīṣéṇa_ajīvat /
tè 'bruvan /
kásmai nú sattrám āsmahe /
yè 'syā́ óṣadhīr ná janáyāma íti /
té divó vṛ́ṣṭim asṛjanta /
yā́vantaḥ stokā́ avā́padyanta /
tā́vatīr óṣadhayo 'jāyanta //
tā́ jātā́ḥ pitáro viṣéṇa_alimpan //
2.1.1.2
tā́sāṃ jagdhvā́ rúpyanty áit /
tè 'bruvan /
ká idám itthám akar íti /
vayáṃ bhāgadhéyam icchámānā íti pitáro 'bruvan /
kíṃ vo bhāgadhéyam íti /
agnihotrá evá nó 'py astv íty abruvan /
tébhya etád bhāgadhéyaṃ prā́yacchan /
yád dhutvā́ nimā́rṣṭi /
táto vái tá óṣadhīr asvadayan /
eváṃ véda //
2.1.1.3
svádante 'smā óṣadhayaḥ //
té vatsám upā́vāsṛjan /
idáṃ no havyáṃ prádāpaya_íti /
sò 'bravīd váraṃ vṛṇai /
dáśa mā rā́trīr jātáṃ ná dohan /
āsaṃgaváṃ mātrā́ sahá carāṇi_íti /
tásmād vatsáṃ jātáṃ dáśa rā́trīr ná duhanti /
āsaṃgaváṃ mātrā́ sahá carati /
vā́revṛtam̐ hy àsyá /
tásmād vatsám̐ sam̐sṛṣṭadhayám̐ rudró ghā́tukaḥ /
áti hí sandhā́ṃ dháyati //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (6)
- Veṅkaṭeśīyaprayogamālā — Veṅkaṭeśa Jyotiṣin, Sanskrit
- Yajurbrāhmaṇa — Sanskrit
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Vedic Index of Names and Subjects — Arthur A. Macdonell & A. Berriedale Keith, English
- The Religion and Philosophy of the Veda and Upanishads — Arthur Berriedale Keith, English
- Śrautakośa — Sanskrit