Taittiriyabrahmana 2.1.8
Taittirīyabrāhmaṇa 2.1.8
- Language
- Sanskrit
2.1.8.1
dakṣiṇatá úpasṛjati /
pitṛlokám evá téna jayati /
prā́cīm ā́vartayati /
devalokám evá téna jayati /
údīcīm āvrátya dogdhi /
manuṣyalokám evá téna jayati //
pū́rvau duhyāj jyeṣṭhásya jyaiṣṭhineyásya /
yó vā gatáśrīḥ syā́t /
áparau duhyāt kaniṣṭhásya kāniṣṭhineyásya /
yó vā búbhūṣet //
2.1.8.2
ná sáṃmṛśati /
pāpavasyasásya vyā́vṛttyai //
vāyavyàṃ vā́ etád úpasṛṣṭam /
āśvináṃ duhyámānam /
maitráṃ dugdhám /
aryamṇá udvāsyámānam /
tvāṣṭrám unnīyámānam /
bṛ́haspáter únnītam /
savitúḥ prákrāntam /
dyāvāpṛthivyàm̐ hriyámāṇam //
2.1.8.3
aindrāgnám úpasāditam /
sárvābhyo vā́ eṣá devátābhyo juhoti /
yò 'gnihotráṃ juhóti //
yáthā khálu vái dhenúṃ tīrthé tarpáyati /
evám agnihotrī́ yájamānaṃ tarpayati /
tṛ́pyati prajáyā paśúbhiḥ /
prá suvargáṃ lokáṃ jānāti /
páśyati putrám /
páśyati páutram /
prá prajáyā paśúbhir mithunáir jāyate /
yásya_eváṃ vidúṣo 'gnihotráṃ juhvati /
yá u cainad eváṃ véda //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- Yajurbrāhmaṇa — Sanskrit
- Vedic Index of Names and Subjects — Arthur A. Macdonell & A. Berriedale Keith, English