Taittiriyabrahmana 2.3.1
Taittirīyabrāhmaṇa 2.3.1
- Language
- Sanskrit
2.3.1.1
brahmavādíno vadanti /
kíṃ cáturhotṛṇāṃ caturhotṛtvám íti /
yád eváiṣú caturdhā́ hótāraḥ /
téna cáturhotāraḥ /
tásmāc cáturhotāra úcyante /
tác cáturhotṛṇāṃ caturhotṛtvám //
sómo vái cáturhotā /
agníḥ páñcahotā /
dhātā́ ṣáḍḍhotā /
índraḥ saptáhotā //
2.3.1.2
prajā́patir dáśahotā /
yá eváṃ cáturhotṛṇām ṛ́ddhiṃ véda /
ṛdhnóty evá //
yá eṣām eváṃ bandhútāṃ véda /
bándhumān bhavati /
yá eṣām eváṃ kŀ̥ptiṃ véda /
kálpate 'smai /
yá eṣām evám āyátanaṃ véda /
āyátanavān bhavati /
yá eṣām eváṃ pratiṣṭhā́ṃ véda //
2.3.1.3
práty evá tiṣṭhati //
brahmavādíno vadanti /
dáśahotā cáturhotā /
páñcahotā ṣáḍḍhotā saptáhotā /
átha kásmāc cáturhotāra ucyanta íti /
índro vái cáturhotā /
índrāḥ khálu vái śréṣṭho devátānām upadéśanāt /
yá evám índram̐ śréṣṭhaṃ devátānām upadéśanād véda /
vásiṣṭhaḥ samānā́nāṃ bhavati /
tásmāt_śréṣṭham āyántaṃ prathaména_evá_anubudhyante /
ayám ā́gan /
ayám ávāsād íti /
kīrtír asya pū́rvā_ā́gacchati janátām āyatáḥ /
átho enaṃ prathaména_evá_anubudhyante /
ayám ā́gan /
ayám ávāsād íti //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (1)
- Yajurbrāhmaṇa — Sanskrit