Taittiriyabrahmana 2.3.3
Taittirīyabrāhmaṇa 2.3.3
- Language
- Sanskrit
2.3.3.1
yó vā́ ávidvān nivartáyate /
víśīrṣā sápāpmā_amúṣmin_loké bhavati /
átha yó vidvā́n nivartáyate /
sáśīrṣā vípāpmā_amúṣmin_loké bhavati //
devátā vái saptá púṣṭikāmā nyàvartayanta /
agníś ca pṛthivī́ ca /
vāyúś ca_antárikṣaṃ ca /
ādityáś ca dyáuś ca candrámāḥ /
agnír nyàvartayata /
sá sāhasrám apuṣyat //
2.3.3.2
pṛthivī́ nyàvartayata /
sá_oṣadhībhir vánaspátibhir apuṣyat /
vāyúr nyàvartayata /
sá márīcībhir apuṣyat /
antárikṣaṃ nyàvaratayata /
tád váyobhir apuṣyat /
ādityó nyàvartayata /
sá raśmibhir apuṣyat /
dyáur nyàvartayata /
sā́ nakṣatrair apuṣyat /
candrámā nyàvartayata /
sò 'horātráir ardhamāsáir mā́sair ṛtúbhiḥ saṃvatsarená_apuṣyat /
tā́n póṣān puṣyati /
yā́m̐s té 'puṣyan /
yá eváṃ vidā́n ní ca vartáyate pári ca //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- Yajurbrāhmaṇa — Sanskrit
- Altindische Grammatik — Jacob Wackernagel & Albert Debrunner, German