Taittiriyabrahmana 2.6.13
Taittirīyabrāhmaṇa 2.6.13
- Language
- Sanskrit
2.6.13.1
aśvínā havír indriyám /
námucer dhiyā́ sárasvatī /
ā́ śukrám āsurā́d vasú /
maghám índrāya jabhrire /
yám aśvínā sárasvatī /
havíṣā_índram ávardhayan /
sá bibheda baláṃ maghám /
námucāv āsuré sácā /
tám índraṃ paśávaḥ sácā /
aśvínā_ubhā́ sárasvatī
2.6.13.2
dádhānā abhyànūṣata /
havíṣā yajñám indriyám /
yá índra indriyáṃ dadhúḥ /
savitā́ váruṇo bhágaḥ /
sá sutrā́mā havíṣpatiḥ /
yájamānāya saścata /
savitā́ váruṇo dádhat /
yájamānāya dāśúṣe /
ā́datta námucer vásu /
sutrā́mā bálam indriyám //
2.6.13.3
váruṇaḥ kṣatrám indriyám /
bhágena savitā́ śríyam /
sutrā́mā yáśasā bálam /
dádhānā yajñám āśata /
áśvinā góbhir indriyám /
áśvebhir vīryàṃ bálam /
havíṣā_índram̐ sárasvatī /
yájamānam avardhayan /
tā́ nā́satyā supéśasā /
híraṇyavartanī nárā /
sárasvatī havíṣmatī /
índra kármasu no 'vata /
tā́ bhiṣájā sukármaṇā /
sā́ sudúghā sárasvatī /
sá vṛtrahā́ śatákratuḥ /
índrāya dadhur indriyám
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (3)
- A Vedic Concordance — Maurice Bloomfield, English
- Kāṇvaśākhā — Sanskrit
- Yajurbrāhmaṇa — Sanskrit