Taittiriyabrahmana 2.6.15
Taittirīyabrāhmaṇa 2.6.15
- Language
- Sanskrit
2.6.15.1
agním adyá hótāram avṛṇīta /
ayám̐ sutāsutī́ yájamānaḥ /
pácan paktī́ḥ /
pácan puroḍā́śān /
gṛhṇán gráhān /
badhnánn aśvíbhyāṃ chā́gam̐ sárasvatyā índrāya /
badhnánt sárasvatyai meṣám índrāya_aśvíbhyām /
badhnánn índrāya_ṛṣabhám aśvíbhyām̐ sárasvatyai /
sūpasthā́ adyá devó vánaspátir abhavat /
aśvíbhyāṃ chā́gena sárasvatyā índrāya //
2.6.15.2
sársvatyai meṣéṇa_índrāya_aśvíbhyām /
índrāya_ṛṣabhéṇa_aśvíbhyām̐ sárasvatyai /
ákṣam̐s tā́n medastáḥ práti pacata_ágrabhīsuḥ /
ávīvṛdhanta gráhaiḥ /
ápātām aśvínā sárasvatī_índraḥ sutrā́mā vṛtrahā́ /
sómānt surā́mṇaḥ /
úpo ukthāmadā́ḥ śraud vímádā adan /
ávīvṛdhanta_āṅgūṣáiḥ /
tvā́m adyá_ṛ́ṣa ārṣeya_ṛṣīṇāṃ napād avṛṇīta /
ayám̐ sutāsutī́ yájamānaḥ /
bahúbhya ā́ sáṃgatebhyaḥ /
eṣá me devéṣu vásu vā́ryā yakṣyata íti /
tā́ yā́ devā́ devadā́nāny áduḥ /
tā́ny asmā ā́ ca śā́ssva /
ā́ ca gurasva /
iṣitáś ca hótar asi bhadravā́cyāya préṣito mā́nuṣaḥ /
sūktavākā́ya sūktā́ brūhi //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (3)
- A Vedic Concordance — Maurice Bloomfield, English
- Yajurbrāhmaṇa — Sanskrit
- Vedapadapāṭha — Sanskrit