Taittiriyabrahmana 2.6.2
Taittirīyabrāhmaṇa 2.6.2
- Language
- Sanskrit
2.6.2.1
sómo rā́jā_amṛ́tam̐ sutáḥ /
ṛjīṣéṇa_ajahān mṛtyúm /
ṛténa satyám indriyám /
vípānam̐ śukrám ándhasaḥ /
índrasya_indriyám /
idáṃ páyo 'mṛ́taṃ mádhu //
sómam adbhyó vyàpibat /
chándasā ham̐sáḥ śuciṣát /
ṛténa satyám indriyám //
adbhyáḥ kṣīráṃ vyàpibat //
2.6.2.2
krúṅṅ āṅgirasó dhiyā́ /
ṛténa satyám indriyám //
ánnāt parisrúto rásam /
bráhmaṇā vyàpibat kṣatrám /
ṛténa satyám indriyám //
réto mū́traṃ víjahāti /
yóniṃ praviśád indriyám /
gárbho jarā́yuṇā_ā́vṛtaḥ /
úlbaṃ jahāti jánmanā /
ṛténa satyám indriyám //
2.6.2.3
védena rūpé vyàkarot /
satāsatī́ prajā́patiḥ /
ṛténa satyám indriyám //
sómena sómau vyàpibat /
sutāsutáu prajā́patiḥ /
ṛténa satyám indriyám //
dṛṣṭvā́ rūpé vyākarot /
satyānṛté prajā́patiḥ /
áśraddhām ánṛté 'dadhāt /
śraddhā́m̐ satyé prajā́patiḥ /
ṛténa satyám indriyám //
dṛṣṭvā́ parisrúto rásam /
śukréṇa śukráṃ vyàpibat /
páyaḥ sómaṃ prajā́patiḥ /
ṛténa satyám indriyám /
vípā́nam̐ śukrám ándhasaḥ /
índrasya_indriyám /
idáṃ páyo 'mṛ́taṃ mádhu //
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (6)
- Mādhyandina — Sanskrit
- A Vedic Concordance — Maurice Bloomfield, English
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Vedic Index of Names and Subjects — Arthur A. Macdonell & A. Berriedale Keith, English
- Kāṇvaśākhā — Sanskrit
- Yajurbrāhmaṇa — Sanskrit