Taittiriyabrahmana 2.7.1
Taittirīyabrāhmaṇa 2.7.1
- Language
- Sanskrit
2.7.1.1
trivṛ́t stómo bhavati /
brahmavarcasáṃ vái trívṛt /
brahmavarcasám evá_avarundhe //
agniṣṭomáḥ sómo bhavati /
brahmavarcasáṃ vā́ agniṣṭomáḥ /
brahmavarcasám evá_avarundhe //
rathaṃtáram̐ sā́ma bhavati /
brahmavarcasáṃ vái rathaṃtarám /
brahmavarcasám evá_avarundhe //
parisrajī́ hótā bhavati //
2.7.1.2
aruṇó mirmirás tríśukraḥ /
etád vái brahmavarcasásya rūpám /
rūpéṇa_evá brahmavarcasám ávarundhe //
bṛ́haspátir akāmayata devā́nāṃ purodhā́ṃ gaccheyam íti /
sá etáṃ bṛhaspatisavám apaśyat /
tám ā́harat /
téna_ayajata /
táto vái sá devā́nāṃ purodhā́m agacchat /
yáḥ purodhā́kāmaḥ syā́t /
sá bṛhaspatisavéna yajeta //
2.7.1.3
purodhā́m evá gacchati //
tásya prātaḥsavané sannéṣu nārāśam̐séṣu /
ekā́daśa dákṣiṇā nīyante /
ékādaśa mā́dhyaṃdine sávane sannéṣu nārāśam̐séṣu /
ékādaśa tṛ́tīyasavané sannéṣu nārāśam̐séṣu /
tráyastrim̐śat sáṃpadyante /
tráyastrim̐śad vái devátāḥ /
devátā evá_avarundhe //
áśvaś catustrim̐śáḥ /
prājāpatyó vā́ áśvaḥ //
2.7.1.4
prajā́patiś catustrim̐śó devátānāṃ /
yā́vatīr evá devátāḥ /
tā́ evá_avarundhe //
kṛṣṇājinè 'bhíṣiñcati /
bráhmaṇo vā́ etád rūpám /
yát kṛṣṇājinám /
brahmavarcaséna_eváinam̐ sámardhayati //
ā́jyena_abhíṣiñcati /
téjo vā́ ā́jyam /
téja evá_asmin dadhāti //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (7)
- Pañcaviṃśabrāhmaṇa — Sanskrit
- Yajurbrāhmaṇa — Sanskrit
- Vedic Index of Names and Subjects — Arthur A. Macdonell & A. Berriedale Keith, English
- A Vedic Concordance — Maurice Bloomfield, English
- La religion védique d'après les hymnes du Rig-Véda — Abel Bergaigne, French
- Sāmavedabrāhmaṇānyaṣṭau — Sanskrit
- Ancient Indian Education (Brahmanical and Buddhist) — Radhakumud Mookerji, English