Taittiriyabrahmana 2.7.10
Taittirīyabrāhmaṇa 2.7.10
- Language
- Sanskrit
2.7.10.1
prajā́patir akāmayata bahór bhū́yānt syām íti /
sá etáṃ pañcaśāradī́yam apaśyat /
tám ā́harat /
téna_ayajata /
táto vái sá bahór bhū́yān abhavat /
yáḥ kāmáyeta bahór bhū́yānt syām íti /
sá pañcaśāradī́yena yajeta /
bahór evá bhū́yān bhavati //
marutstomó vā́ eṣáḥ /
marúto hí devā́nāṃ bhū́yiṣṭhāḥ //
2.7.10.2
bahúr bhavati /
yá eténa yájate /
yá u ca_enameváṃ véda //
pañcaśāradī́yo bhavati /
páñca vā́ ṛtávaḥ saṃvatsaráḥ /
ṛtúṣv evá saṃvatsaré prátitiṣṭhati /
átho páñca.akṣarā paṅktíḥ /
pā́ṅkto yajñáḥ /
yajñam evá_avarundhe //
saptadaśám̐ stómā ná_atiyanti /
saptadaśáḥ prajā́patiḥ /
prajā́pater ā́ptyai //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
Linked texts (1)
- Yajurbrāhmaṇa — Sanskrit