Pramāṇa · Search · About · API

Taittiriyabrahmana 2.7.16

Taittirīyabrāhmaṇa 2.7.16

Language
Sanskrit

2.7.16.1

abhí préhi vīráyasva /
ugráś céttā sapatnahā́ //
ā́tiṣṭha vṛtrahántamaḥ /
túbhyaṃ devā́ ádhibruvan /
aṅkáu nyaṅkā́v abhíto ráthaṃ yáu /
dhvāntáṃ vātāgrám ánusaṃcárantau /
dūréhetir indriyā́vān patatrī́ /
té no 'gnáyaḥ páprayaḥ pārayantu //
námas ta ṛṣe gada /
ávyathāyai tvā svadhā́yai tvā //

2.7.16.2

mā́ na indra_abhítas tvád ṛṣva_áriṣṭāsaḥ /
evā́ brahman táva_íd astu //
tíṣṭhā ráthe ádhi yád vájrahastaḥ //
ā́ raśmī́n deva yuvase sváśvaḥ //
ā́tiṣṭha vṛtrahann ātíṣṭhantaṃ pári /
ánu tvā_índro madatv ánu tvā mitrā́váruṇau //
dyáuś ca tvā pṛthivī́ ca prácetasā /
śukró bṛhád dákṣiṇā tvā pipartu /
ánu svadhā́ cikítām̐ sómo agníḥ /
ánu tvā_avatu savitā́ savéna //

2.7.16.3

índraṃ víśvā avīvṛdhan /
samudrávyācasaṃ gíraḥ /
rathī́tamam̐ rathīnā́m /
vā́jānām̐ sátpatiṃ pátim //
pári mā senyā́ ghóṣāḥ /
jyā́nāṃ vṛñjantu gṛdhnávaḥ methiṣṭhā́ḥ pínvamānā ihá /
mā́ṃ gópatim abhísáṃviśantu //
tán mé 'numatir ánumanyatām /
tán mātā́ pṛthivī́ tát pitā́ dyáuḥ //

2.7.16.4

tád grā́vāṇaḥ somasúto mayobhúvaḥ /
tád aśvinā śṛṇutam̐ saubhagā yuvám //
ávate héḍa úd uttamám //
enā́ vyāghráṃ pariṣasvajānā́ḥ /
sim̐hám̐ hinvanti mahaté sáubhagāya /
samudráṃ ná suhávaṃ tasthivā́m̐sam /
marmṛjyánte dvīpínam apsv àntáḥ //
úd asā́v etu sū́ryaḥ /
úd idáṃ māmakáṃ vácaḥ /
údihi deva sūrya /
sahá vagnúnā máma /
aháṃ vācó vivā́canam /
máyi vā́g astu dharṇasíḥ /
yántu nadáyo várṣantu parjányāḥ /
supippalā́ óṣadhayo bhavantu //
ánnavatām odanávatām āmíkṣavatām /
eṣā́m̐ rā́jā bhūyāsam //

Commentaries (4)

Linked texts (4)