Taittiriyabrahmana 2.7.17
Taittirīyabrāhmaṇa 2.7.17
- Language
- Sanskrit
2.7.17.1
yé keśínaḥ prathamā́ḥ sattrám ā́sata /
yébhir ā́bhṛtaṃ yád idáṃ virócate /
tébhyo juhomi bahudhā́ ghṛténa /
rāyás póṣeṇa_imáṃ várcasā sám̐sṛjātha //
ná_ṛté bráhmaṇas tápaso vimokáḥ /
dvinā́mnī dīkṣā́ vaśínī hy ùgrā́ /
prá kéśāḥ suváte kāṇḍíno bhavanti /
téṣāṃ brahma_íd ī́śe vápanasya ná_anyáḥ //
ā́roha próṣṭhaṃ víṣahasva śátrūn /
ávāsrāg dīkṣā́ vaśínī hy ùgrā́ //
2.7.17.2
dehí dákṣiṇāṃ prátirasva_ā́yuḥ /
áthā mucyasva váruṇasya pā́śāt //
yéna_ávapat savitā́ kṣuréṇa /
sómasya rā́jño váruṇasya vidvā́n /
téna brahmāṇo vapata_idám asya_ū́rjā_imám /
rayyā́ várcasā sám̐sṛjātha //
mā́ te kéśān ánu gād várca etát /
táthā dhātā́ karotu te /
túbhyam índro bṛ́haspátiḥ /
savitā́ várca ā́dadhāt //
2.7.17.3
tébhyo nidhā́naṃ bahudhā́ vyáicchan /
antarā́ dyā́vāpṛthivī́ apáḥ súvaḥ /
darbhastambé vīryàkṛte nidhā́ya /
páum̐syena_imáṃ várcasā sám̐sṛjātha //
bálaṃ te bāhuvóḥ savitā́ dadhātu /
sómas tvā_anaktu páyasā ghṛténa /
strīṣú rūpám aśvinā_etán nídhattam /
páum̐syena_imáṃ várcasā sám̐sṛjātha //
yát sīmántaṃ káṅkatas te lilékha /
yád vā kṣuráḥ parivavárja vápam̐s te /
strīṣú rūpám aśvínā_etán nídhattam /
páum̐syena_imám̐ sám̐sṛjātho vīryèṇa //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (6)
- Baudhāyanaśrautasūtra — Baudhāyana, Sanskrit
- Āgniveśyagṛhyasūtra — Agniveśa, Sanskrit
- A Vedic Concordance — Maurice Bloomfield, English
- Yajurbrāhmaṇa — Sanskrit
- Mānasāra Series (I. A Dictionary of Hindu Architecture; II. Indian Architecture according to Mānasāra-Śilpaśāstra; III. Mānasāra on Architecture and Sculpture: Sanskrit Text; IV. Architecture of Mānasāra: Translation; V. Architecture of Mānasāra: Illustrations; VI. Hindu Architecture in India and Abroad; VII. An Encyclopaedia of Hindu Architecture) — Prasanna Kumar Acharya, English
- The Religion and Philosophy of the Veda and Upanishads — Arthur Berriedale Keith, English